Марказий Банк сўнги йиллардаги анъанасини давом эттириб, 2019 йил 12 мартдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини эълон қилди. Мана баъзибир валюталарнинг сўмга нисбатан тайинланган янги ва аввалги ҳафтадаги (қавс ичида) курслари:

1 АҚШ доллари – 8374,10 сўм (8392,96 сўм)

1 ЕВРО – 9410,81 (9546)

1 Россия рубли – 126,18 (127,32)

1 Хитой юани – 1246,13 (1251,78)

1 Қозоқ тенгеси – 22,12 (22,24)

Кўриб турибмизки, долларнинг курси 18,86 сўмга арзонлашган, бошқа валюталарнинг курси ҳам тушган. Нима бўлганда ҳам, биз учун муҳим бўлгани, дунёни бошқараётган долларнинг курси тушганидир.

Бу ҳафатада сўмнинг доллар ва бошқа валюталарга нисбатан курсининг ортиши орқасида қандай сабаб бор? Маълумки, сўмнинг курси ортиши Ўзбекистон иқтисодиётида юксалиш бўлаётганидан далолат бериши керак. Аммо, иқтисодиётимизда ижобий ўзгариш бўлаётгани ҳақида ҳеч қандай маълумот берилаётгани йўқ. Демак, ҳеч шубҳасиз, Шавкат Мирзиё катта пул ишлатиб сўмнинг курси ортишини таъминламоқда. Эслатиш керак, ўтган йили ҳам шундай қилинганди ва сўмнинг курси йилнинг 1-чи ярмида кескин кўтарилган, аммо, йилнинг 2-чи ярмида сўмнинг курси яна ўпирилиб тушган эди. Бу йил ҳам шунақа бўлиши шубҳасиздир.

Келаётган 19 март куни Миллий Уйғониш Кунининг 30 йиллигини нишонлаш учун Мустақиллик Майдонига чиқиш ва Шавкат Мирзиё ҳамда унинг тожиклар режимидан сўмнинг қийматини мустаҳкамлаш, бунинг учун Ўзбекистонда фундаментал сиёсий ва иқтисодий ислоҳотлар бошлашни талаб қилиш керак.