Ўзбекистон ҳукмронлик қилаётган тожиклар режимининг қўғирчоқ ахборот воситаларидан бири бўлган Gazeta.uz ҳеч бир таҳлилсиз хабар қилишича, Марказий Банк 2018 йилда сўм курсини қўллаб-қувватлашга 3,8 млрд доллар миқдоридаги валюта интервенциясини амалга оширибди. Бу хабар Марказий Банкга асосланиб тарқатилган.

Бу хабарнинг қизиқ жойи шундаки, Марказий Банк 2018 йилнинг 1-чи ярмида сўм курсини қўллаб-қувватлашга 0,8 млрд доллар ишлатганини ўз вақтида билдирган, айнан ўшанда, сўмнинг долларга нисбатан кури ортганди. 2017 йилнинг охирида сўм девальвация қилинганда 1 доллар 8,1 минг сўм атрофида бўлган бўлса, 2018 йилнинг ўртасида 1 доллар тахминан 7,7 минг сўмга тушди, яъни сўмнинг курси ортди.

Аммо, йилнинг 2-чи ярмида сўмнинг курси фақат тушиб борди ва йилнинг охирида 1 доллар тахминан 8,3 минг сўмга чиқди. Ўшанда биз, бечора Марказий Банкнинг сўм курсини қўллаб-қувватлашга пули ҳам қолмабди, деб кулган эдик. Ҳозир эса, Марказий Банк 2018 йилнинг 2-чи ярмида сўмнинг курсини қўллаб-қувватлаш учун 2,9 миллиард доллар ишлатганини айтмоқда.

Билмаганлар билиб қўйсинки, Ўзбекистоннинг 2018 йилга Давлат Бюджети 7,7 миллиард доллар қилиб белгиланган эди. Демак, Давлат Бюджетининг ярмига тенг келадиган доллар ишлатсак ҳам, сўм шунчалик қийматини йўқотдими? Маркзий Банк сўм курсини қўллаб-қувватлашга ҳеч қандай пул ишлатмаса, бечора сўмимиз ўлган бўлармиди?

Қуйидаги саволга ҳам жавоб топиш керак. Давлат Бюджетимиз бор-йўғи 7,7 миллиард доллар экан, Марказий Банк сўмининг кучини қўллаб-қувватлшга 3,8 миллиард долларни қаердан топди? Ўзбекистоннинг аввал олтин-валюта заҳиралари дейилган халқаро заҳираларидан шунча пул олиндими?

Бу саволлар кўрсатмоқдаки, ўлаётган Ўзбекистоннинг Марказий Банки ҳам ўлим йўлида масхарабозлик билан шуғулланмоқда.