08 February 2019
21:35 - Туркиялик режиссёр Ҳусайн Ўзбеннинг Алишер Навоийга бағишланган ҳужжатли фильми тақдим этилди
Эртага буюк шоиримизнинг туғилган куни. Улуғ мутафаккир бобомиз таваллудининг 578 йиллигига бағишлаб Алишер Навоий номидаги кино саройда бугун Алишер Навоийга бағишланган фильмнинг тақдимот маросими ўтказилди. “Дунё адабиётининг чинори” номли ҳужжатли фильм туркиялик режиссёр Ҳусайн Ўзбен томонидан суратга олинган.

Ҳусайн Ўзбен бу ҳақда шундай дейди: “Фильмда туркий адабиётнинг улуғ чинори, дунё шоири Алишер Навоийнинг ҳаёти ва ижоди турк ҳамда ўзбек навоийшунос олимлари томонидан кенг тараннум этилади. Одатда ҳар бир шоирнинг битта девони бўлади. Алишер Навоийнинг тўрт девони бор: Болалик, Ёшлик, Балоғат ва Кексалик девони. Навоий тазкираларида юзлаб шоир, адиблар тилга олинган. Булардан 170 таси туркийдир. Илк бора 170 туркийзабон адибларининг ҳаётини тушунтирган Навоий бўлди. Бугунгача кўплаб фильмлар олдим. Бироқ бунисининг ўрни бўлак. Шунинг учун фильмни аввал сизларнинг эътиборингизга ҳавола этишга аҳд қилдим. Бир неча кундан кейин Туркияда премьераси бўлиб ўтади.”

ЎзАнинг хабаридан олинган расмда - Ҳусайн Ўзбен.
« Олдинги хабар Хабарлар рўйхати Кейинги хабар »