14 January 2019
21:37 - Марказий Банк сўмнинг бошқа валюталарга нисбатан 15 январда кучга кирадиган курсларини эълон қилди, долларнинг қиймати анча ортибди
Марказий Банк сўнги йиллардаги анъанасини давом эттириб, 2019 йил 15 январдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини эълон қилди. Мана баъзибир валюталарнинг сўмга нисбатан тайинланган янги ва аввалги ҳафтадаги (қавс ичида) курслари:

1 АҚШ доллари – 8356,18 сўм (8337,07 сўм)

1 ЕВРО - 9582,03 (9498,42)

1 Россия рубли - 124,97 (123,36)

1 Хитой юани – 1236,19 (1214,20)

Кўриб турибмизки, долларнинг курси бу ҳафта 19,11 сўмга ортган. Евро, рубль, юаннинг курсларида ҳам каттагина ортиш бор.

Аввалги ҳафта валюталарнинг курси бўйича тарқатилган хабарга таҳлил берар экан, ўтган йили Ўзбекистон Марказий Банки 900 млн доллар сарфлаб сўмнинг курсини орттириб боргани, аммо йилнинг 2-чи ярмида сўмнинг қиймати кескин тушиб кетганини эслатиб, “Нима бало, Шавкат Мирзиё яна ўша ўйинини такрорламоқчими? Бу масхарабозик-ку!” деган эдик.

Бугун тарақатилган хабарга бошқача таҳлил беришга мажбурмиз: “Бечора Шавкат Мирзиёда ўзбек сўмининг курсини ушлаб туришга етарли пул ҳам йўққа ўхшайди. Ишлар чатоқ. 19 март куни Миллий Уйғониш Кунининг 30 йиллигини нишонлаш учун Мустақиллик Майдонига чиқиш ва Шавкат Мирзиё ҳамда унинг тожиклар режимидан Ўзбекистонда фундаментал ислоҳотлар бошлашни талаб қилиш керак”.
« Олдинги хабар Хабарлар рўйхати Кейинги хабар »