05 January 2019
21:46 - “Ҳаракат” хатқутисидан: Гулнора Каримованинг хатосини Мирзиёевнинг яқин қариндошлари ростанам такрорлашмоқда...ми? “Ҳаракат”: Мирзиёев ўлишга улгурмаса, бу хатоларга жавоб беради-ку!

“Ҳаракат” хатқутисига келган хат: Куёв сўзини ҳеч мазмунан талаффуз қилиб кўрганмисиз? Ку-ёв! Ростанам “ёв”микин? Балки, шу сабаб ҳам ўзбекда “Кулдан пул бўлмас, куёвдан ул (ўғил – “Ҳаракат”) бўлмас” деган нақл вужудга келгандир? Ким билсин... Назаримизда Ўзбекистониннг иккинчи Президентининг катта куёви ЁВлик қилмоқда, адашмасак. Негаки, омма орасида “катта ку-ЁВ Гулнора Каримованинг хатоларини такрорламоқда” деган узуқ-юлуқ гаплар юрибди.

Одамзоднинг кўзи қачон тўйган? Ҳеч қачон! Айтишларича, инсоннинг кўзи тўпроққа тўлмагунча тўйдим нима билмасмуш... Катта ку-ЁВ ё ростанам шунақанги еб тўймаслардан чиқиб қолди, ёки унинг ёшлигидан фойдаланиб номини сотишмоқда. Яна кимлар катта куёвнинг отини пуллашмоқда денг? Катта куёвнинг энг яқин қариндошлари, акалари - туғишганлари.

Қўлимиздаги маълумотларга қараганда, Ўзбекистоннинг янги президенти Шавкат Мирзиёевнинг катта ку-ЁВи номидан иш кўраётган акаси – Улуғбек Турсунов умр бўйи пичоғи ёғ устида бўлишини орзу қилган шекилли-да мамлакатдаги ёғ заводларига кўз тикканлиги айтилмоқда. Гап шундаки, катта ку-ЁВнинг акаси Улуғбек Ўзпахтаёғ акциядорлик жамияти раҳбари Салихов Мурод Мелибоевичнинг беминнат ёрдами билан ёғ заводларининг “ёғли” курсиларига ўзига қарашли бўлган содиқ одамларини “никоҳлаб” қўйишга улгурди.

Натижада кейинги қисқа вақт ичида Хайруллаев Алишер Абдуллаевич “Янги йўл экстрактёғ”нинг амал курсисини эгаллаган бўлса, “Каттакургонёғмой”га Эшонов Ўткир Олимович эга чиқдди. Эгамназаров Бекзод Султоновичга “Ургенчёғ” “соғин сигир” вазифасини ўтамоқда, “Гулистонэкстрактёг” эса аллақачонлар Ботир Зуфаровнинг “хусусий томорқаси”га айланган. Шунингдек “Когонёғэкстракт”нинг каттаси ҳам “ҳoжа”ларига “нарзу ниёз” аташни канда қилмайдиганлардан...

Янаям қизиғи шундаки, юқорида номлари тилга олинган ёғ заводлари-ю уларнинг ХЎЖАлари “Ўзпахтаёғ” ҳиссадорлик жамиятининг “пири комили” Мурод Салиховнинг “фатвоси” билан Жамолов Шавкат отлиғ “шайх”га “мурут” қилиб берилди. Шавкат отлиғ “шайх” ким дерсиз? Шавкат Жамолов деганлари 2006 йилларда Сурхонозиқовқатёғ заводида директор лавозимига соҳиблик қилиб юрган кезларидаёқ “Мен шахсан Мирзиёевнинг одамиман, мен шахсан уларга ишлайман” дея кўкрак кериб, кўксига уриб, давлатнинг кўп миқдордаги маблағини орқа-олдига қарамай ўмаргани сабаб, гўёки Шавкат Миромоновичнинг ўзи уни қамоққа равона қилган эди.

Қизиғи шундаки, 10 йилдан ортиқ ўғри-муттаҳамларнинг “санатория”сида сиҳати-ю-сиробини тўғрилаб қайтган Мурод Мелибоевичнинг яна оёғи узангида, Ўзбекистон ёғига чўмилиб, “ўрганган кўнгил ўртанса қўймас” деганларидек, эски қинғир ҳунарларини такрорлаб юрибди. Бунинг оқибатида шелуха ва шротнинг намлигинини ошириш эвазига вазнига вазн қўшиш мақсадида 15 фоиз сув қўшилмоқда. Ва яна битта кир совуннинг вазни аслида 400 грамм бўлиши керак. Бироқ яқин ўртада кўрсатилган ҳажмда совун чиққан эмас. Барча кир совунларнинг вазни 250, нари борса 300 грам чиқмоқда. Сўзларимизга шубҳангиз бўлса, ўзингиз бемалол ўлчаб кўришингиз мумкин...

Биласиз, гарчи пахтадан бўлса-да, ёғ мамлакатимиз аҳолиси учун муҳим озиқ-овқат маҳсулоти ҳисобланади. Очиғи, шўрлик халқнинг пахта ёғидан бошқа ёғларни, дейлик, зиғир, зайтун, ҳатто кунгабоқар ёғини харид қилишни чўнтаги кўтармайди. Бироқ, ёғ заводидаги шаввозлар нима қилишмоқда? Бакалашкаларга 1 литр ўрнига 900 грамм пахта ёғи қуйилмоқда. Эҳҳҳе, ҳар бир бакалашкадан 100 грамдан уриб қолинса борми? Ҳам совуннинг грамини туя қилишади, ҳам ёғдан қисишади. Ҳам бўйидан, ҳам энидан уриш дейишади бунинг отини. Қолаверса, маҳсулотларнинг ўзи ҳам давлат стандардларига мутлақо тўғри келмайди. Бир сўз билане айтганда, ёғ заводанинг “ҳўжа”лари халқнинг рисқидан қийиш, элнинг насибасидан қирқиш ортидан итининг итялоғини ҳам тиллодан қилишмоқда.

Ўрта ичида куйгандан оддий халқ куйиб қолмоқда. Шелухалар вазнини ошириш учун сув қўшиш, совун ва пахта ёғининг граммидан уриб қолиш! Ахир бу жиноят-ку! Жиноят бўлганда ҳам исбот қилиш ўта осон бўлган ўғирлик! Далил шундоққина тумшуғимизнинг тагида! Шундай бўлса-да нега қонундан қўрқишмайди булар?! Наҳотки ростанам буларнинг илдизи сув олган бўлса, томири бориб Президентнинг катта ку-ЁВига бориб тақалса? Ўзларича ку-ЁВ бизга “криша” бўлади, жиноятимизни ҳаспушлаб қолади деб ўйлашса керак-да! Ойни этак билан ёпиб бўладими?

Наҳотки катта куёв ва унинг босар-тусарини билмай қолган қариндошлари, хусусан, акаси Улуғбек Турсунов бунингдек қинғир ишлари билан мамлакат раҳбарининг обрўсига соя солаётганини билмаса? Яқин ўтмишга назар солинг. Гулнора нима қилганди? Каримовнинг юзини ерга қаратмаганмиди? Ҳам ўзига, ҳам отасига зиён етказмаганмиди? Ахир қинғир ишнинг қийиғи қирқ йилдан кейин ҳам чиқади-ку. Бу катта куёвнинг қариндошлари очкўзликлари ортидан КГБ, МХХ, ДХХ ходимларига “досе” тайёрлаб беришмаяптимикин?

Наҳотки катта ку-ЁВ ҳаромдан топилган луқмани ютуш даражасида оч бўлса-а? Халқимиз “Семизликни қўй кўтаради” деб бекорга айтишмаган экан-да-а?

“ҲАРАКАТ” ТАҲРИРИЁТИДАН: Бу хат муаллифи ўз исмини қўрққанлиги учун кўрсатмаганини урғулаган. Аммо, унинг бу ерда айтган ҳамма гаплари тўғри эканлигига ҳеч қандай шубҳа йўқ. Чунки, Ўзбекистон каби диктаторликларда, президент ва турли даражадаги ҳокимлар билан бирга уларнинг яқинлари ҳамда давлат хизматчиларининг мутлақо кўпчилиги порахўр ва коррупционерлардир.

Шавкат Мирзиёнинг катта куёви Ойбек Турсунов ифлосликда тенги йўқ одам. У Чеченистонга бориб, чечен халқининг бош хоини Рамзан Қодировнинг пинжига киришгача боргани ҳақида 2017 йил 20 ноябрда хабар берган эдик. Ўша хабардан олинган расмни бу ерга ҳам қўймоқдамиз.

Аммо, бу хабар сарлавҳасида ҳозирги президент Шавкат Мирзиё ҳақида ёзилган фикр ҳам мутлақо ҳақдир. Агар ҳаромий Ислом Карим ўлишга улгурмаса эди, Фуҳуша лақаби билан танилган қизи Гулнора билан ҳозир қамоқда ётган бўлади.

Агар Шавкат Мирзиё ўлишга улгурмаса, ҳозир ўзини қўриқлаш билан шуғулланаётган катта куёви Ойбек Турсунов, кичкинаси Отабек ва бошқа яқинлари билан қамоқда ётади. Шундай экан, Шавкат Мирзиёни яхши кўрганлар унга тезроқ ўлим тилашлари керак. Кейин ҳароб бўлгандан кўра, ҳозир ўлволиш яхши-ку!

Ёки, бошқача йўл танлаш керак. Шавкат Мирзиё Ўзбекистонни демократиялаштириш ва тўла бозор иқтисодиётига ўтказиш йўлига ўтса, демократик руҳдаги “Бирлик” Халқ Ҳаракати Партияси сиёсий саҳнага чиқишига имкон берса, тарихимизда ижобий шахс сифатида қолади.