19 December 2018
07:40 - Жаҳонда энг катта бўлган Истанбул Аэропорти 29 октябрда расман очилган эди, аммо у 2019 йил март ойида ишга тушиши кеча маълум бўлди
Туркиянинг энг катта шаҳри Истанбулда шу пайтгача 2 та аэропорт бор бўлиб, улардан бири - Отатурк Аэропорти - Туркиянинг энг катта ва машҳур аэропорти эди. Шу йил 29 октябрда Туркия Президенти, исломчиларнинг Адолат ва Тарққиёт Партиясининг раиси Ражаб Эрдўған Истанбулда учинчи аэропортнинг ўта тантанали расмий очилиш маросимини ўтказиб, унинг номини Истанбул Аэропорти деб эълон қилиш билан бир қаторда, бу аэропорт дунёдагиларнинг энг каттаси эканлигини, бу аэропорт бир йилда 150 миллион йўловчига хизмат кўрсатишини, келажакда бу рақам 200 миллионга чиқишни айтган эди. Ўша куниёқ бу аэропортда бир учоқ расман учирилганди ҳам.

Аммо, кеча Истанбул Аэропортида Транспорт ва Инфатузилмаларни Ривожлантириш Вазири Меҳмет Жаҳит Турҳон (Mehmet Cahit Turhan) расилигида йиғилиш ўтказлибди ва бу аэропортда расмий учишларни келаётган йилнинг март ойида бошлаш ҳақида қарор қабул қилинибди.

“Ҳаракат” Агентлиги ғирт антикоммунист, аммо ўз-ўзини мақтаб кўрсатиш масаласида ҳақиқий коммунист бўлган ислом фанатиги Ражаб Эрдўған ўтказган 29 октябрдаги Истанбул Аэропортининг очилиш маросими масхарабозлик эканлигини аввалдан тушунгани сабабли, ўша очилиш маросими ҳақида хабар ҳам бермаган эди. Мана энди маълум бўлдики, “Ҳаракат” ҳар доимгидек тўғри башорат қилган экан.

Ражаб Эрдўған коммунистсифат эмас, ҳақиқий сиёсатчи бўлса эди, аэропортнинг очилиш маросимини 2019 йил март ойида ўтказган бўларди. Қолаверса, бу аэропортнинг номини Ражаб Эрдўған Аэропорти деб қўйиши керак эди. Чунки, исломчилар ҳокимиятда қолаверса, барибир бу аэропортга Ражаб Эрдўған номи берадилар. Тўғри, ҳамма нарса ҳозиргидек кетаверса, Истанбул қайтадан Константинопол бўлади. Аммо, умид қилиш керакки, отатуркчилар ҳокимиятни бошқатдан қўлга оладилар, Ислом динида фундаментал ислоҳотлар ўтказиб, ҳалигача ўрта асрлар менталитети билан яшаётган ислом фанатикларини 21 асрга олиб чиқадилар.