14 December 2018
02:15 - “Ҳаракат” яна ҳақ чиқмоқдами? АҚШ Сенати Саудиянинг ворис шаҳзодасини Жемал Кашикчининг ўлдирилишига жавобгор деб ҳисоблаб, Саудияга бераётган ҳарбий ёрдамини тўхтатмоқчи!
Кеча АҚШ Сенати АҚШда қочқин бўлиб яшаётган Саудиялик мухолиф журналист Жемал Кашикчининг Истанбулдаги Саудия консулхонасида ўлдирилишида жавобгарликни Саудия Арабистонининг ворис шаҳзодаси Муҳаммад бин Салмонга юклаб, Яманда ҳокимиятни қўлга олволган шиаларнинг хусийлар оқимига қарши урушаётган Саудияга бераётган ҳарбий ёрдамини тўхтатиш ҳақида қарор чиқарди.

Маълумки, аввалига Истанбулдаги ўз консулхонасида содир этилган қотилликни тан олмаган Саудия қироллиги охир-оқибат уни тан олган ва бу қотилликка шаҳзодаларнинг алоқаси йўқ эканлигини урғулаб, қотиликка аралашганда айбланиб қўлга олинг 17 нафар фуқаросини ўзи суд қилишини айтиб ётган эди. Туркия ушланганлари ўзига берилишини талаб қилди, Саудия “йўқ” деди. Туркия-Саудия алоқалари бузилишга бошлаган пайтда Путин бу жанжалда ҳам Саудия тарафдори бўлволди. Россия-Саудия алоқалари яхшиланиб кетишидан чўчиган АҚШ Президенти Доналд Трамп Жемал Кашикчининг ўлдирилишини кескин қораласа ҳам, Саудияга нисбатан юмшоқрок бўлишга ҳаракат қилди.

Аммо, кўриб турибмизки, охир-оқибатда АҚШ ҳам Саудияга қарши кескин бўлишга қарор қилди. Демак, Яқин Шарқ ҳозиргисидан ҳам баттароқ қоришади, охир-оқибатда ўзини Исломнинг Макка ва Мадинадаги муқаддас жойларининг қўриқчиси деб эълон қилган, Ҳаж ва Умра зиёратларини тўла қўлига олиб бўлган Саудия Қироллиги ўлади. Сўнгра ўлим навбати Ислом динининг ўзига келишининг олдини олиш учун Ислом динида фундаментал ислоҳотлар ўтказиш ва Ислом дини дунёвийли/секуляризм принципини тан олишига эришиш керак.

Бу жараёнлар доирасида Макка ва Мадина Саудия Арабистонидан ажратиб олиниши ва бутун Ислом дунёсининг муқаддас минтақаси деб эълон қилиниши керак. Бу муқаддас минтақанинг қўриқчиси Ислом Ҳамкорлик Ташкилоти бўлиши мумкин.