Бу йил 6 ноябрда АҚШда ўтказилган оралиқ сайловларида бу мамлакатнинг тарихида биринчи марта Конгресснинг Вакиллар Палатасига 2 мусулмон аёл – келиб чиқиши сомалиялик бўлган Илҳан Омар ва филистинлик мужоҳирларнинг қизи Рашид Тлаиб - сайланганини билдирган эдик. Уларнинг иккаласи ҳам Демократик Партиядан номзод бўлганлар. Кўпроқ АҚШ парламенти, яъни Конгресс билан боғлиқ воқеаларни ёритиш билан шуғулланадиган демократик руҳдаги The Hill Интернет нашри ҳали расман Вакиллар Палатасида иш бошламаган, аммо ҳақиқий исми Рашида Тлаиб бўлган депутат билан ўтказган суҳбатининг видеосини эълон қилди.

Рашида Тлаиб Доналд Трампнинг гаплари ва олиб бораётган сиёсатидан келиб чиқиб, унинг ирқчи эканлигига шубҳаси қолмаганини айтган ва президентни ирқчилиги учун жавобгарликка тортиш нияти борлигини урғулаган. Суҳбат катта аудитория иштирокида ўтказилган ва аудиториядагилар унинг гапларини қарсаклар билан қаршиладилар.

Маълумки, Доналд Трамп 2016 йил ноябрь ойидаги президент сайловларида ғалаба қозонганидан бери АҚШнинг сал кам ҳамма оммавий ахборот воситалари ва АҚШнинг сиёсий элитаси Доналд Трамп у сайловларни Россиянинг ёрдамида ютганини гапирмоқда. Бу айбномани ўрганиш махсус прокурор Роберт Мюллерга тлпширилган. Аммо, 2 йилдан бери на Роберт Мюллер, на оммавий ахборот воситалари, на бир сиёсатчи, бу айбномани тасдиқлайдиган биронта жиддий факт кўрсатолмаяпти.

Шундай экан, 2019 йилнинг январ ойида расман Вакиллар Палатаси депутати сифатида иш бошлайдиган Рашид Тлаиб бирон нарса қилолишига ҳеч ким ишонмайди.