Ўзбекистонда ҳукмронлик қилаётган тожиклар режимининг қўғирчоқ ахборот воситаларидан бири Kun.uz ҳеч қандай таҳлилсиз хабар қилишича, Бандлик ва Меҳнат Муносабатлари Вазирлиги ҳузуридаги Ташқи Меҳнат Миграцияси масалалари Агентлигининг мансабдор шахслари оммавий равишда қўлга олинган. Аслида, Kun.uz сайтининг саводсиз журналисти улар қамоққа олинганини ёзганлар. Чунки, қамоққа олиш билан қўлга олишнинг фарқига бормайдилар.



Маълум бўлишича, қўлга олинганлар ичида Агентликнинг директор Равшан Ибрагимов (юқоридаги раcмда), ўринбосари Улуғбек Назаров (пастдаги раcмда), шунингдек, агентлик бўлим бошлиғи А.А. ва шўъба мудири О.М. бор экан. Равшан Ибрагимов шу йилнинг баҳоридан бери аввалги директор Ҳожибахлил Асамов ўрнига ўтирган бўлиб, бундан ҳам қизиғи, Асамовнинг ўзи 2017 йил апрелидан буён ўша вақтда Жанубий Кореяга ишга жўнатишдаги можаро ортидан ишдан олинган директор Улуғбек Назаров ўрнида ишлаб келаётган экан. Кейинчалик, Улуғбек Назаров оқланган шекилли, директор ўринбосари бўлибди. Мана энди уларнинг ҳаммаси қўлга олинибди.

Kun.uz сайтининг хабарида айтилишича, бу Агентликнинг мансабдорлари Жанубий Кореяга ишга борувчи юзлаб кишилардан (ҳар бир кишидан 5 минг доллар миқдорида) жами 20 миллион доллар атрофида пул йиғиб олгани ҳақида гап-сўзлар юрган ва жами 20 нафар атрофида киши Бош прокуратура тарафидан ушлаб кетилган экан. Мана энди гал каттароқ раҳбарларга келибди, уларни ҳам ушлаб кетишибди.

Аммо, хабарда бу Агентлик қандай падо бўлганини тушунтирадиган воқеалар тилга олинмайди. Гап шундаки, “Бирлик” Халқ Ҳаракати раҳбари Абдураҳим Пўалат 1995 йилда эълон қилган мақоласида жуда кўп ўзбеклар яқин орада иш қидириб Россияга кетишларини башорат қилиб, Ўзбекистонда меҳнат муҳожирларининг муаммаоларри билан шуғулланадиган вазирлик яратиш лозимлигини айтганди. У 2008 йилда ўша пайтдаги Президент Ислом Каримга мактуб йўллаб, шундай вазирлик тузиш шартлигини уруғулади. Аммо, унинг таклифи қабул қилинмади ва Шавкат Мирзиё президентлик курсисини эгаллаб олгандан кейин вазирлик ўрнига Меҳнат Муҳожирлари Агентлиги яратди.

Кўриб турибмизки, бу Агентлик ҳам Ўзбекистон давлатининг ҳамма органлари каби порахўрлик ва коррупция ботқоғига ботиб бўлибди. Шу муносабат билан Шавкат Мирзиёга тушунтириш керакки, демократиянинг уруғи ҳам бўлмаган Ўзбекистон порхўрлик ботқоғида ўлади. Буни унга тушунтириш ҳам осон эмас. Демак, халқ майдонларга чиқиб, Шавкат Мирзиё ва унинг тожиклар режимидан Ўзбекистонда фундаментал сиёсий ва иқтисодий ислоҳотлар ўтказишни талаб қилиши керак.

Фундаментал сиёсий ислоҳотларнинг марказида, “Бирлик” ва унинг жарчиси бўлган “Ҳаракат” Агентлиги йиллардан бери тўхтамасдан такрорлаётгандек, давлатни демократиялаштириш, қўғирчоқ Олий Мажлис ва қўғирчоқ партиялардан тозаланиш, ҳақиқий демократик мухолифат иштирокида сайловлар билан Олий Мажлисни янгилаш, ошкоралик ва сўз эркинлигига йўл бериш каби ғоялар ётади. Ана ўшанда, ривожланган Ғарб давлатларининг тажрибаси кўрсатаётгандек, порхўрлик ва коррупция йўқолмаса ҳам минималлашади, бу иллатлар билан курашиш осонлашади.