Дунёнинг обрўли ахборот воситалари ишончли манбалардан олинган маълумтларига асосланиб хабар қилишларича, ворис шаҳзода Муҳаммад бин Салмон АҚШда элчи бўлган укаси Ҳалид бин Салманга ўша пайтда АҚШда қочқин бўлиб яшаётган Жемал Кашикчи қайтадан уйланишда керак бўладиган ҳужжатларни олиш учун Саудиянинг Истанбулдаги консуллигига жўнатиш ҳақида топшириқ берибди. Ҳалид бин Салман Жемал Кашикчини Истанбулдаги консулликка боришга кўндирибди.

Содда Жемал Кашикчи шу йил 2 октябрда ўз мамлакатининг Истанбулдаги консуллигига борган ва ўша ерда ворис шаҳзода Муҳаммад бин Салмоннинг буйруғи билан ҳамма тайёргарчилик ишларини қилиб бўлган махсус гуруҳ тарафидан ўлирилган.

Қиролликнинг расмийлари аввалига Жемал Кашикчи ўша куниёқ консулликдан чиқиб кетганини иддао қилишди, аммо рад этиб бўлмас фактлар остида Жемал Кашикчи консуллик хизматчилари билан чиққан жанжал натижасида ўлганини тан олишди. Журналистнинг ўлимига сабабчи бўлган 17 кишига қарши жиноий иш очилагани, суд Саудияда бўлиши эълон қилингди. Табиий, у 17 киши ичида ворис шаҳзода Муҳаммад бин Салмон йўқ.

Аммо, Саудия қиролиятининг консулликдаги жанжал иддаосига ҳеч ким ишонмайди. Бу қотилликнинг бош айбдори ворис шаҳзода Муҳаммад бин Салмон бош айбланувчи бўлиши керак.

Хуллас, шу билан Саудия қироллиги ўлиб бўлганини гапириш мумкин ва “Ҳаракат” буни жаҳонда биричи бўлиб 2018 йил 20 октябрдаги хабарида шундай шаклда айтган эди: “ўзини Исломнинг Макка ва Мадинадаги муқаддас жойларининг қўриқчиси деб эълон қилган, Ҳаж ва Умра зиёратларини тўла қўлига олиб бўлган Саудия Қироллиги бу воқеадан кейин ўлиб бўлди.”

Энди ўлим навбати Ислом динининг ўзига келишининг олдини олиш керак. Бунинг ягона йўли – Ислом динида фундаментал ислоҳотлар ўтказиш ва Ислом дини дунёвийли/секуляризм принципини тан олишига эришишдир. Бу жараёнлар доирасида Макка ва Мадина Саудия Арабистонидан ажратиб олиниши ва бутун Ислом дунёсининг муқаддас минтақаси деб эълон қилиниши керак. Бу муқаддас минтақанинг қўриқчиси Ислом дунёсининг ўзи бўлади.