Ўзбекистонда ҳукмронлик қилаётган тожиклар режимининг қўғирчоқ ахборот воситалари ҳеч қандай таҳлилсиз хабар қилишларича, Ўзбекистон ва Россия парламентларининг юқори палаталари – Олий Мажлиснинг Сенати ва Россия Федерал Мажлисининг Федерал Кенгаши ўртасида ўзаро ҳамкорлик қилиш бўйича келишув имзоланибди.

Бу ҳужжатни Федерал Кенгаш раиси Валентина Матвиенко ва ҳозир Москвада расмий сафарда бўлган Ўзбекистон Олий Мажлиси Сенатининг раиси Ниғматилла Йўлдошев имзолабди.

Россия Федерал Кенгаши ва Ўзбекистон Сенати бу икки давлатдаги диктаторликларнинг қўғирчоқлари эканлигини бутун дунё билади. Бизнинг бечора қўғирчоқ Ниғматилла Йўлдошев шунчалик бечораки, Конститцияга кўра Ислом Карим ўлгандан кейин автоматик равишда унинг ўрнини сайловларгача эгаллаши керак бўлишига қарамасдан, ҳокимиятни ноқонуний равишда қўлига олиб бўлган Шавкат Мирзиёнинг талаби билан “ҳали давлат ишларида етарлича тажрибаси йўқлигини”ни баҳона қилиб, президент лавозимини вақтинча бажарувчи бўлишдан воз кечган эди.

Қаранг, Сенат раисининг давлатни бошқаришда тажрибаси йўқ эмиш. Шундай нарсани масхарабозларча тан олган Ниғматилла Йўлдошев Сенат раислигидан ҳам истеъфога кетиши керак эмасмиди? Ўзбекистон ҳақиқий давлат бўлса эди, айнан шундай қилган бўларди. Аммо, Ўзбекистон аллақачон давлат сифатини йўқотиб бўлган.

Хуллас, расмдаги Валентина Матвиенко ва Ниғматилла Йўлдошев Москвада қандайдир ҳамкорлик ҳақида келишув имзолаганлари – халқаро масхарабозликдан бошқа нарса эмас. Аммо, Россияни қўйиб турайлик, ЎЗБЕК миллати ўзининг миллат сифатидаги вазифасини қачон бажаришга бошлайди?