26 October 2018
08:43 - Эртаксимон сенсация: Бизни бошқараётган тожиклар режими чет элда яшаётган ватандошлар билан ҳамкорлик қилармиш. Аввал “Бирлик” Партияси айтган ислоҳотларни бошлаш керак!

Ўзбекистонда ҳукмронлик қилаётган тожиклар режимининг қўғирчоқ ахборот воситалари ҳеч қандай таҳлилсиз бу режим раҳбари Шавкат Мирзиё кеча имзолаган “Хорижда истиқомат илаётган ватандошлар билан ҳамкорлик соҳасида Ўзбекистон Республикаси давлат сиёсатини янада такомиллаштириш чора-тадбирлари тўғрисида”ги қарорининг тўла матни ёки унинг қисқача мазмунини эълон қилдилар.

Қарорда бу соҳада муҳим ишлар амалга оширилаётганини айтиш билан бирга, гўёки бор камчиликлар, амалга оширилиши керак бўлган мақсадлар ва бажарилиши керак бўлган вазифалар тафсилотли шаклда санаб чиқилади. Яъни, бир қарашда бу қарорда чет элда яшаётган ватандошларимиз билан ҳамкорликнинг янада чуқурлаштиишнинг мукаммал концепцияси ишлаб чиқилган.

Аммо, бу қарорга бироз эътибор берган одам унинг бир тийинга қиммат, қоғозда қолиб кетадиган ҳужжатлигини тушунади. Чунки, 21 асрда, яъни демократия ва тўла бозор иқтсодиётига асосланган ғоялар асрида, инсон эркинликлари бўйича жаҳоннинг энг мудҳиш диктаторликларидан бири бўлган, бунинг устига ҳар қандай давлатни ўлимга олиб борадиган социалистик иқтисодиёт асосида қашшоқликда ҳаётини ўтказаётган Ўзбекистон билан чет элларда яшаётган ватандошларимиз жиддий ҳамкорлик қилишлари мумкинлигига аҳмоқ ҳам ишонмайди.

Агарда Ўзбекистонда “Бирлик” Партиси ва унинг жарчиси бўлган “Ҳаракат” Агентлиги йиллардан бери айтиб келаётган фундаментал сиёсий ва иқтисодий ислоҳотлар ўтказилса, яъни Ўзбекистон тўла бозор иқтисодиёти билан яшаётган демократик давлатга айланса, чет эллардаги ватандошларимиз билан ҳамкорлик - президентнинг ҳеч қандай қарорисиз ўз-ўзидан мукаммал форматда ишлайверади.

Шундай экан, ўзбеклар кўзларини очишлари ва майдонларга чиқиб, Шавкат Мирзиё ва унинг тожиклар режимидан Ўзбекистонда фундаментал сиёсий ва иқтсодий ислоҳотлар ўтказишни талаб қилишлари керак. “Бирлик” ва “Ҳаракат” халқни майдонларга олиб чиқишга тайёр, навбат халқда, халқ ҳам майдонларга чиқишга тайёр эканлигини кўрсатиши керак.

Бизнинг чақириқларимизни қўллаб-қуватлашга тайёр бўлганларни, биринчи қадам сифатида, бу хабарга ва саҳифамизга “ёқтириш” (лайк) белгиси қўйишга чақирамиз.

Майдонгларга чиқиш ўзбеклар учун янгилик эмас. Расмда “Бирлик” фаоллари ва тарафдорларининг 1989 йил 23 сентябрь куни Навоий кўчасида уюштирган намойшларини кўрмоқдасиз. Намойишчиларнинг шиорлари “Ўзбек тили – давлат тили бўлсин!” ва “Ўзбекларга озодлик” кабилар эди. Чеки кўринмайдиган намойишда ўн минглаб одам қатнашган.