Ўзбекистонда ҳукмронлик қилаётган тожиклар режимининг бош қўғирчоқ ахборот воситаси ЎзА ҳеч қандай таҳлилсиз хабар беришича, 24-28 октябрь кунлари Ўзбекистонда “Қирғизистон маданияти кунлари“ ўтказилиши режалаштирилганмиш. Ўта қисқа хабардан тушуниш мумкинки, қўшниларимиз бизга ўз маданиятларини намойиш қиладиган бир қатор тадбирларни Тошкентда ўтказишмоқчимиш.

ЎзА бермаган таҳлилни биз беришга мажбурмиз. Чунки, ЎзАнинг журналистларидан фарқли ўлароқ, биз одаммиз, биз ўзбекмиз.

Маълумки, 2010 йили 10-13 июнь кунлари қирғиз фашистлари ўзбекларни ТИРИКЛАЙИН ёққанларида, ўзбекнинг қиз-аёлларини подалашиб зўрлаганларида, ҳомиладор ўзбек аёлининг қорнини ёриб ва ҳали туғилмаган ЎЗБЕК чақалоқнинг бошини кесиб олиб, копток қилиб тепганларида, 3 кунда 300 ўзбекни ваҳшийларча ўлдирганларида Ўзбекистонда ҳукумронлик қилаётган тожиклар режимининг ўша пайтда раҳбарлари бўлган Ислом Карим ва Шавкат Мирзиё нафақат ўзлари ҲАММА ТЕШИКЛАРИНИ ҚИСИБ ЎТИРДИЛАР, ўзбек халқини ҳам қисиб ўтиришга мажбур қилдилар.

Қирғиз фашистларининг қонхўрлигини текшириш учун тузилган ва асосан европалик сиёсатчи ва ҳуқуқчилардан иборат бўлган Халқаро Мустақил Комиссия қирғиз фашистлари ўзбекларни қирғин қилганини аниқ фактлар билан кўрсатиб берувчи ҳисоботида яна бир фактни келтирган эди: “Қонли воқеаларда ҳалок бўлганларнинг 75 фоизи ўзбек бўлишига қарамасдан, ўша воқеалар бўйича жазоланганларнинг 85 фоизи ўзбекдир”.

Қирғизистон парламенти бу Комиссиянинг ҳисоботини тан олмасдан, Комиссия раиси бўлган финландиялик сиёсатчини бутун умр Қирғизистонга бошқа киритмаслик ҳақида ҳукм чиқарганди.

Нима энди, қирғиз фашистлари Ўзбекистонда ҳукмронлик қилаётган тожиклар режимига ўзбеклардан қандай қутилиш мумкинлиги ҳақида “маданий дарс” берадиларми? Ўзбеклар эса, одам сифатини йўқотиб бўлганларини яна бир марта намойиш қиладиларми?

Унутмайликки, улуғ шоиримиз Алишер Навоий шундай сатрлар ёзган:

Одам эрсанг демагил одами,
Ониким йўқ халқ ғамидан ғами.

Қирғизистонда ўз миллатдошлари қирғин қилинганда овозини ҳам чиқармаган Ўзбекистон ўзбеклари “Қирғизистон маданияти кунлари“да қатнашиб, одам эмасликларини яна бир марта намойиш қилиб шарманда бўлмайдиларми?

Эслатиш керакки, ўша қонли воқеаларнинг 1 йиллик куни, яъни 2011 йил 10 июнда бир гуруҳ ўзбек миллатпарварлари ва ҳуқуқ ҳимоячилари Қирғизистоннинг Тошкентдаги элчихонаси олдида катта норозилик пикети ўтказиш мақсадида Тошкент шаҳар ҳокимиятига керакли аризани ҳам бергандилар. Аммо, рухсат берилмади, бошқа вилоятлардан пикетда иштирок этиш учун Тошкентга келиш ниятида бўлганларнинг йўли тўсилди.

Тожиклар режимининг ҳамма қаршиликларига қарамасдан пикетга чиққан тошкентлик 10 киши миршаблар тарафидан ушлаб кетилди. Ўша пикетда олинган расмни бу хабарга қўймоқдамиз. Қаранг, ўзбек миллатининг ичида расмдаги Қаҳрамон ота каби миллатнинг ҳақиқий қаҳрамонлари бор. Бу отахон олдида таъзим қилиш керак. Вақти келади, ўзбеклар Тошкентда бу отахоннинг ҳайкалини ўрнатадилар.