Марказий Банк сўнги йиллардаги анъанасини давом эттириб, 15 октябрда, яъни душанба куни сўмнинг бошқа валюталарга нисбатан бугун кучга кирадиган курсини эълон қилди. Аммо, техник сабаблар туфайли, биз бу ҳақда бугун хабар бермоқдамиз.

Хуллас, Ўзбекистон Республикаси Марказий Банки 2018 йил 16 октябрдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини эълон қилди. Мана баъзибир валюталарнинг сўмга нисбатан тайинланган янги ва қавс ичида 8 октябрда эълон қилинган курси:

1 АҚШ доллари – 8208,04 сўм (8181,08 сўм)

1 ЕВРО - 9490,14 (9427,06)

1 Россия рубли - 123,85 (122,73)

1 Жанубий Корея вони - 7,26 (7,23)

1 Қувайт динори - 27093,71 (26968,22)

1 Хитой юани - 1186,44 (1191,19)

1 Туркия лираси - 1398,04 (1334,10)

Кўриб турибмизки, бу рўйхатдаги ҳамма валюталарнинг қийматлари сўмга нисбатан ортишни давом эттирмоқда. Биз учун муҳим бўлгани, дунёда ҳукмронлик қилаётган АҚШ долларининг курса яна ортгани. Ўткан ҳафтада долларнинг қиймати 26,96 сўмга ортиб, 8208,04 сўмга чиққан.

Эслатиб ўтамиз, ўтган йилнинг охирида, яъни сўм девальвация қилиниб, уни эркин конвертация қилиш бошланмасдан аввал, 1 доллар 8100 сўмдан ҳам юқорида эди. Кейин Ўзбекистон Марказий Банки 900 млн доллар пул ишлатиб, шу йилнинг 1 августигача долларнинг курсини 7781 сўмга туширишга эришди. Марказий Банк сўмнинг курсини ушлаб туриш учун пул ишлатолмай қолиши билан, яъни орадан 2 ойдан кўпроқ вақт ўтиб, бугун 1 доллар 8208,04 сўм сўмга чиқди.

Баъзи ахборот воситаларига кўра, қора бозор ишга тушди ва саррофлар 1 долларни 8300 сўмдан харид қилиб, 8330 сўмдан сотишмоқда.