10 August 2018
20:59 - Бечора Туркия: Кеча АҚШ долларининг курси 5,6 турк лирасига чиққанди, бугун 6,8 га чиқди. Ўзбекларга нима?
Кечаги хабаримизда айтган эдик, шу пайтгача долларнинг курси 5 турк лираси остида бўлганди, аммо, АҚШ Туркияга қарши санкциялар киритишга бошлаши биланоқ бу курс 5,6 га чиқди.

Бугун Доналд Трамп Туркияда сотиб олинаётган алюминий ва пўлатга қўшимча 50 ва 20 фоизли солиқлар киритишини эълон қилиши билан, долларнинг курси 6,8 турк лирасига чиқди. Яъни, турк лирасининг қиймати 2 кунда тахминан 20 фоизга тушди.

Туркия Президенти Ражаб Эрдўған ўз халқига мурожаат қилиб, ҳаммани долларни улоқтиришга чақирди, аммо оддий турклар бунақа аҳмоқона таклифга қулоқ солмасликлари ўз-ўзидан маълум. Бечора Эрдўған нима қилишини билмасдан Россия Президенти Владимир Путин билан телефонда гаплашди. Бу ҳақдаги хабарларда ҳеч қандай тафсилотлар йўқ. Чунки, Россиянинг ўзи ночор аҳволда, АҚШнинг санкциялари остида рублнинг ҳам курси тушиб бормоқда. Икки бечора президент йиғи-сиғидан нарига ўтолмаган бўлсалар керак.

Демак, кечаги хабаримиздаги Шавкат Мирзиёга берган огоҳлантиришимизни қайтарамиз. У Ўзбекистон ва ўзбек миллатини ҳозирги ғариб аҳволдан олиб чиқишни ўйлаётган бўлса, “Бирлик” Партияси таклиф қилаётган фундаментал сиёсий ва иқтисодий ислоҳотларни бошлаши керак.

Фундаментал сиёсий ислоҳотларнинг марказида давлатни демократиялаштириш, қўғирчоқ Олий Мажлис ва қўғирчоқ партиялардан тозаланиш, ҳақиқий демократик мухолифат иштирокида сайловлар билан Олий Мажлисни янгилаш, ошкоралик ва сўз эркинлигига йўл бериш каби ғоялар ётади. Фундаментал молиявий-иқтисодий ислоҳотларнинг марказида эса, тўла бозор иқтисодиётига ўтиш, биринчи навбатда, катта бойлар, яъни инвесторлар синфи яратиш йўлига Ислом Карим ва Шавкат Мирзиё жинояткорона қўйган тўсиқларни олиб ташлаш ғояси борлигини урғулаш ҳам муҳимдир.

Доналд Трамп шу йил 25 июлда “Бирлик” Партияси лидери Абдураҳим Пўлатга юборган мактубида АҚШ Шавкат Мирзиёнинг режимини Афғонистондаги урушда ёрдами бўлиши мумкинлигига ишониб қўллаб-қувватлаётганига имо-ишора қилган эди. Жуда тезда Ўзбекистон Афғонистонда ислом террористларига қарши урушда АҚШга ҳеч қандай ёрдам беролмаслиги маълум бўлади. Шундан кейин ўзбек сўмининг аҳволи қайтадан дабдала бўлади.
« Олдинги хабар Хабарлар рўйхати Кейинги хабар »