06 August 2018
20:16 - АҚШ Президенти Доналд Трамп Эронга қарши санкцияларни тиклади

Маълумки, бир неча йил давомида олиб борилган Эрон-“Олтилик” музокаралари натижасида, 2015 йил июль ойида Эрон ядровий қурол яратишда ишлатилиши мумкин бўлган ядровий программаларини 15 йилга тўхтатиши, Ғарб эса Эронга қарши санкцияларни бутунлай тўхтатиши кўзда тутилган шартнома имзоланган эди. Эслатиб ўтамиз, “Олтилик” - АҚШ, Хитой, Россия, Франция, Германия, Буюбритания давлатларидан иборат.

Аммо, бир неча ой аввал, АҚШ у шартномани Эрон тўла бажармаётганини иддао қилиб, Эрон-“Олтилик” шартномасидан чиққанини ва Эронга қарши ўз санкцияларини киритишга бошлашини билдирган эди. Аслида, ўша шартнома имзоланмасдан аввал Эронга қарши ишлатилган санкциялар тикланиши назарда тутилаётганди.

Кеча Оқ Уйнинг расмий сайтида Доналд Трамп Эронга қарши санкицияларни тиклаш ҳақидаги қарорни имзолагани билдирилди. Бу санкциялар 6-чидан 7-чи августга ўтар кечаси кучга кирибди. Бу қарорда Эронда диктаторлик режими давом этаётгани, Эрон терроризмга спонсорлик қилаётгани, Яқин Шарқда ва бутун дунёда агрессив сиёсат олиб бораётгани урғуланган ва Эронга қандай санкциялар киритилиши айтилган. Бу санкциялар Эронга ўз нефтини сотиш масаласида ва яна бир қатор соҳаларда жиддий қийинчликларп туғдиришга қаратилган.

АҚШ ўша Эрон-“Олтилик” шартномасидан чиққишини эълон қилиши биланоқ, Эрон ўз ядровий программаларини тиклашини билдирган эди. Демак, Эрон ядровий қурол яратиш йўлида ишларини давом эттиради. Ироқ ва Сурияда уруш битгандек кўринаётганди, мана энди у минтақада совуқ уруш авжига чиқишга бошласа керак.