23 June 2018
23:34 - Таниқли мухолифатчи ва ҳуқуқ ҳимоячиси Саидкарим Набининг онаси Ойдинона 96-чи ёшида оламдан ўтди

“Бирлик” Халқ Ҳаракати Партияси ва Инсон Ҳуқуқлари “Эзгулик” Жамиятининг Ургутлик фаоли Саидкарим Набининг онаси Ойдинона бугун 96-чи ёшида оламдан ўтди.

Марҳума ая эртага эрталаб тупроққа берилади. Саидкарим Набининг бошқа вилоятларда яшайдиган сафдошлари Ойдинонанинг жанозасида иштирок этиш учун йўлга чиқишга тайёрланмоқдалар. Мажбуран АҚШда яшаётган “Бирлик” лидери Абдураҳим Пўлат у билан телфон орқали гаплашиб, ўз таъзияларини изҳор қилди.

Сафдошимиз ва дўстимиз Саидкарим Набига чуқур таъзия билдирамиз, шундай оғир дамларда ҳам сабр-бардошли бўлишга чақирамиз. Қолаверса, шу ёшгача етиб боришнинг ўзи буюк бахт эканлигини эслатамиз. Ойдинонага Оллоҳдан раҳматлар тилаймиз. Тупроқлари енгил, жойлари жаннатда бўлсин.