12 April 2018
04:15 - Илҳом Алиев камида яна 7 йил, аслида, умрбод Озорбайжон президенти бўлади, қўғирчоқ номзодлар ичида эса собиқ демократлар бор экан
Кеча Озорбайжонда муддатдан олдинроқ проезидент сайловлари бўлиб ўтди. Гап шундаки, мамлакат Конституциясига кўра, сайловлар сайлов бўладиган йилнинг октябрь ойидаги 3-чи чоршанбада бўлиши керак. Бу йил бундай кун 17 октябрга тўғри келмоқда эди. Аммо, шу йил 5 февраль куни кутилмаганда жорийдаги Президент Илҳом Алиев сайловларни 11 апрелга ўтказди. Демократик мухолифат сайловларни бойкот қилишини эълон қилиш билан бирга, ҳаммани охирги кунгача бойкотга чақирди.

Яна маълумки, Илҳом Алиевнинг отаси 1993 йили ҳокимиятда бўлган Озобайжон Халқ Фронти ичидаги келишмовчиликлардан, тўғрироғи, сотқинликдан фойдаланиб президент бўлиб олган ва 2003 йили ўлгунча президент бўлиб қолган, ўлиш олдидан тахтини ўз ўғли Илҳомга бериб кетганди. Кейинчалик демократик принциплар топталиб ўтказилган 2003, 2008 ва 2013 йиллардаги сайловларда Илҳом Алиев тахтини сақлаб қолди. Кўриниб турибдики, ўша йиллари сайловлар ҳар 5 йилда ўтказиларди.

Аммо, Илҳом Алиев 2016 йил 26 сентябрда конституцион референдум ўтказди ва президентлик муддатини 7 йилга чиқарди, бир одам чексиз марта президент бўлоладиган қилинди, Биринчи вице-президент лавозими таъсис этилди, Илҳом Алиев бу лавозимга ўз хотини Меҳрибон Алиевани тайинлади.

Хуллас, кеча ўтказилган ёлғондакам сайловларда Илҳом Алиев ғалаба қозонди. Марказий Сайлов Комиссияси кеча кечасига яқинроқ ҳали узул-кесил бўлмаган натижаларга кўра Илҳом Алиев 86,09 фоиз овоз олганини эълон қилди. Ҳамма тушунадики, бу рақам орта ортадики, аммо камайтирилмайди. Ҳеч шубҳа йўқки, Илҳом Алиев энди ўлгунича президентлик курсисидан тушмайди.

Қолган 7 та қўғрчоқ номзод 1-3 фоиз орасида овоз олган эмиш. Бу ҳақда “Бирлик” Партиясининг раиси Абдураҳим Пўлат шундай дейди: “Озорбайжондаги демократ мухолифатчиларнинг Турон Агентлиги сайтида 7 та қўғирчоқ номзод қанча овоз олганига қараганимда, уларнинг исмларига эътибор ҳам бермаётган эдим. Кейин кўзим тушиб қолди, уларнинг ичида бир маҳаллар Озорбайжон Халқ Фронти раиси Элчибейнинг ўринбосарлари бўлган Сардар Жалалоглу ва Араз Ализаде бор эди. Мен улар билан бир неча марта кўришганман. Улар кейинчалик, Илҳом Алиевга сотилиб ва қўғирчоқ партиялар тузиб, мамлакат парламентига ўз партияларидан ягона депутат бўлиб олганлар. Жойи келгани учун айтаман, ичдан чиққан хоинлар жазоланмаса, уларнинг афтига очиқча туфланмаса, хоинлар кўпайса кўпаядики, аммо камаймайди. Шу сабабли, биз 53-54 лақабли хоин Салай Мадаминга очиқча тупурганмиз, ўзбек миллати ҳам ахир бир кун айнан шундай қилади. Озорбайжондаги демократик мухолифатчиларнинг хатоси – буни ҳалигача тушунмаётганларидир.”
« Олдинги хабар Хабарлар рўйхати Кейинги хабар »