06 March 2018
18:37 - Шавкат Мирзиёдан “Ҳаракат” Агентлигига шапалоқ: Ўзбекистонда янги вазирлик ташкил қилинди
Ўзбекистон Республикаси Президентининг фармонига мувофиқ, Жисмоний Тарбия ва Спорт Вазирлиги ташкил қилинди. Аввал Давлат Қўмитаси даражасидаги мазкур ташкилот энди ҳукуматдаги ўз портфелига эга бўлди. Мазкур вазирлик қошида спорт тизимидаги коррупцияга қарши кураш мониторинг маркази ҳам ташкил қилинади.

Янги вазирликнинг марказий аппарати тузилмасида спорт фаолиятини ташкил қилишда асослилик, объективлик ва шаффофликни таъминлаш, шу жумладан жисмоний тарбия ва спортни ривожлантиришга ажратилган давлат молиявий маблағларидан оқилона фойдаланилишини таҳлил қилиш ҳам ана шу марказ ваколатига киритилади.

Ҳеч шубҳа йўқки, дейди мухбиримиз, Шавкат Миризиё бу қарори билан ўзича “Бирлик” Партиясининг жарчиси бўлган “Ҳаракат” Агентлигига бир мушт туширмоқчи бўлган. “Ҳаракат” йиллардан бери миллатимиз на ўзининг тарихи, на келажаги билан қизиқмайдиган, миллий ғурури қолмаган, овқат ейиш ва туалетга боришдан бошқа нарса билан иши бўлмайдиган бўлиб қолганини ёзиб келарди. Мана, кўринг, демоқчи Шавкат Мирзиё, миллатнинг қизиқадиган нарсаси бор, бу – спортдир. Аммо, ичида ўйласа керак: “Бу миллатга ўз тарихи ва келажаги билан қизиқишга вақт қолдирмаслик керак. Юраверсинлар спортдан бошқа нарса билан ишлари бўлмасдан. Уларга имкон берилса, Ўзбекистон қандай қилиб мустақил бўлиб қолганлиги, “Бирлик” нима эканлиги, Ўзбекистонда тожиклар режимининг ўрнатилиши кимга керак бўлганлиги, Ўзбек профессорлари нимага қозоқ дворникларидан кам маош олиши, Совет замонида ҳам кучли бўлган Ўзбекистон нега бу аҳволга тушгани ҳақида ўйлашга бошлайдилар-ку”.
« Олдинги хабар Хабарлар рўйхати Кейинги хабар »