19 February 2018
19:32 - Ҳазил эмас, чин: Алишер Усмонов Президентнинг Давлат маслаҳатчиси ўринбосари этиб тайинланди
Ҳа, ростдан ҳам чин, Россияда истиқомат қилувчи ўзбек аслли миллиардер Алишер Усмоновнинг адаши Алишер Усмонов президент Шавкат Мирзиёевнинг фуқаролар ҳуқуқини ҳимоя қилиш, жисмоний ва юридик шахсларнинг мурожаатларини назорат қилиш ҳамда мувофиқлаштириш бўйича давлат маслаҳатчисининг ўринбосари лавозимига тайинланди. У бунга қадар президент халқ қабулхонасининг Наманган вилояти бўлимига раҳбарлик қилган.

Қизиғи, иккала Алишер Усмонов ҳам Наманган вилоятилда туғилган экан.

Президент девонида фуқаролар ҳуқуқини ҳимоя қилиш, жисмоний ва юридик шахсларнинг мурожаатларини назорат қилиш ҳамда мувофиқлаштириш хизмати ўтган йилнинг май ойида президент девонининг жисмоний ва юридик шахсларнинг мурожаатларини назорат қилиш ҳамда мувофиқлаштириш хизмати базасида ташкил қилинган эди.
« Олдинги хабар Хабарлар рўйхати Кейинги хабар »