11 February 2018
22:26 - Ўзбекистон ва Туркия ислом жангариларига қарши ҳамкорлик бошладилар, аммо ҳеч нарса қилолмайдилар
Ўзбекистон Ички Ишлар Вазирлиги ва Туркия Интерполнинг Анқарадаги Миллий Марказий Бюроси Суриядаги урушда қатнашган ўзбекистонлик жангариларни қидириш борасида ўзаро ҳамкорлик қилади. Тарафларнинг Тошкентда ўтказилган учрашувида Сурияда жанг қилган ва қилаëтган ўзбекистонликлар шахсини аниқлаш ва улар изига тушиш йўл-йўриқлари муҳокама қилинган.

Айтилишича¸ бундай жангариларни топиб¸ уларни асл ватанига қайтариш бу ҳамкорликнинг устивор вазифаси қилиб белгиланган. Сурия ва Ироқдаги қуролли жангариларга қарши уюштирилган кенг кўламли ҳаво ҳужумларига қарамай террорчилар бошқа мамлакатлар¸ хусусан¸ Туркияга ўтишга муваффақ бўлмоқда. НАТО ва Ғарб давлатлари жангариларнинг Туркия орқали бошқа давлатларга тарқаши глобал хавфсизлик учун жиддий таҳдиддир, дейилди мажлисда.
Қаранг, бу жангарилар дунёга таҳдид эканлигини энди тушунишга бошлашибди. Ваҳолангки, “Бирлик” ва унинг жарчиси бўлган “Ҳаракат” буни йиллардан бери айтиб келмоқда. Яна айтиш керакки, Ўзбекистон миршаблари Туркия Интерполи билан ҳамкорликда ҳеч қандай жиддий натижага эришолмайдилар. Ислом терроризмини йўқ қилишнингн ягона йўли – Ислом динида фундаментал ислоҳотлар ўтказиш ва Ислом дини дунёвийлик/секуляризм принципини тан олишига эришишдир.

Туркия исломлашиш йўлидан кетаверса, бу мамлакат ислом терроризмининг марказига айланишини “Бирлик” лидери Абдураҳим Пўлат 2015 йил январь ойида ўша пайтдаги АҚШ Президенти Барак Обамага ёзган хатидан айтган эди. Айнан шундай бўлмоқда. Туркия ислом терроризмига қарши Ўзбекистон билан ҳамкорлик қилиш йўлига ўтгани ҳам навбатдаги масхарабозликдир. Чунки, Туркия Президенти Ражаб Эрўғаннингн асл мақсади Ўзбекистонни ҳам исломлаштириш ва ислом терроризмининг марказларидан бирига айлантириш.
« Олдинги хабар Хабарлар рўйхати Кейинги хабар »