14 February 2018
15:44 - “Миллиёт” газетасининг блогери Жемил Челик (Туркия): Алмазбек Атамбаев лавозим ва пулга ўч, шу туфайлигина фатхулла-гуленчидир. Абдураҳим Пўлат: Бунга ишониш мумкин.

Туркиядаги энг катта газета “Миллиёт”нинг блогори Жемил Челик (Cemil Çelik) шу йил 8 ва 10 февраль кунлари Қирғизистоннинг собиқ президенти Алмазбек Атамбаев хусусида иккита блог ёзиб, шу газетанинг Интернетдаги сайтида эълон қилибди.

“Собиқ Қирғиз Президенти Атамбаев ва Чингиз Айтматов” сарлавҳали биринчи блогнинг маъноси қуйидагича.

Алмазбек Атамбаев ёзувчилик ҳам қилган, 1989 йилдан асосан шахсий бизнеси билан шуғулланган, аммо Қирғизистон Ёзувчилар Уюшмасининг раиси машҳур Чингиз Айтматовнинг ўринбосари (ёки ёрдамчиси) бўлиб қолаверган. 1992 йили Қирғизистонга ташриф билан келган Россия Президенти Борис Ельцин Қирғизистон Ёзувчилар Уюшмасига 50 миллион рубль совға қилибди. Чингиз Айтматов бошқа ишлар билан банд бўлгани сабабли, бу пулни ёзувчиларга ёрдам беришга ишлатиш топшириғини Алмазбек Атамбаевга берибди. Аммо, Алмазбек Атамбаев бу пулни бизнесга қўйиб, ундан олинган фойдаларни ёзувчилар учун ёрдамга ишлатилса, ёрдам самаралироқ бўлишини айтиб, ҳамма пулни ўз бизнесига ишлатиб юборибди. Бироқ, у кейинчалик Ельциннинг совға пулини ҳам, ундан олинган фойдаларни ҳам Ёзувчилар Уюшмасига қайтармаган. Яъни, уларни ҳаммасини ўғирлаб кетган. Буларни Қирғизистоннинг ўша пайтдаги президенти Асқар Ақаев 2014 йил 21 февралда қирғизларнинг 7 каналига берган интервьюсида айтиб берибди.

Ўша воқеалар туфайли бўлса керак, Алмазбек Атамбеав улуғ Чингиз Айтматовнинг хотирасини абадийлаштириш ишларидан қўлидан келганча қочиб келмоқда. Мана, ҳозир у президентикдан кетди, демак, Чингиз Айтматовнинг бу йил нишонланадиган 90 йиллигига Қирғизистогнда катта эътибор берилса керак.

Жемил Челикнинг “Алмазбек Атамбаев ва Қирғизистонда ФЕТО” сарлавҳали иккинчи блогининг маъноси шундай.

Авваламбор, билмаганлар учун билдириш керакки, 2016 йилда Туркияда давлат тўнтариши қилишга уринишдан кейин, бу уриниш фатхулла-гуленчилар тарафидан уюштирлгани иддао этилди ва жорийдаги Туркия Президент Ражаб Эрдўған фатхулла-гуленчиларнинг “Хизмат” Ҳаракатини “ФЕтхулла-гуленчиларнинг Террористик Оргути” сўзларининг қисқартмаси билан ФЕТО деб аташга ҳаммани мажбур қилди (Оргут - ташкилот сўзининг туркчасидир).

Жемил Челикнинг иддаосига кўра, Алмазбек Атамбаевнинг лавозим ва пулга ўчлигидан фойдаланган ФЕТОчилар Қирғизистонда давлат муассасаларидан тортиб бизнесгача, санъатдан тортиб таълим системасигача, ҳамма соҳани ўз қўлларига олганлар. 2016 йилдаги давлат тўнтаришига уринишдан аввал Ражаб Эрдўғанни “Ражаб ака” деб атаб келган Алмазбек Атамбаев Туркиянинг расмий талабларига қарамасдан, Қирғизистондаги баъзи ФЕТОчиларни Туркия ушлаб беришдан ва ФЕТОчиларни давлат тизимларидан силиш таклифини бажаришдан қочган. ФЕТОчиларнинг Қирғизистонда яратган “Sebat” таълим тизимининг номини “Sapat” деб ўзгартириш билан чекланган. Айнан ўша пайтда Алмазбек Атамбаев Туркияга нисбатан қўпол, ҳатто ҳақорат деса бўладиган сўзлар ишлатгани - икки давлат ўртасидаги алоқаларнинг ёмонлашишига йўл очган.

Хуллас, қисақа қилиб айтсак, Алмазбек Атамбаев ФЕТОдан манфаатдаор бўлган, шу билан ўз манфаатларини миллат манфаатларидан юқори қўйиб, ФЕТОни Қирғизистондан йўқ қилишга ҳаракат қилмаган.

* * * * *

“Миллиёт” газетаси блогерининг Алмазбек Атамбаев ҳақидаги иддаоларни бу ерда чуқур анализ қилишга вақтимиз йўқ, қолаверса, уларнинг биз ўзбеклар учун катта аҳамияти ҳам йўқ, дейди бу хусусда “Бирлик” Партияси лидери Абдураҳим Пўлат. Аммо, мен Чингиз Айтматов билан у СССР Президенти Михаил Горбачевнинг миллатлараро масалалар бўйича маслаҳатсиси бўлган пайтда, 1990 йилда Ўш-Ўзгенда қонли воқеалар бўлаётган кунларда унинг ўзи менга телефон қилганда гаплашганман, сўнгра шахсан кўришганман. Асқар Ақаев билан у президент бўлган пайтда унинг Бишкекдаги қароргоҳида яккама-якка кўришганман. Ражаб Эрдўған билан 2 марта, у Истанбул ҳокими бўлган пайтда ва Туркия Бош вазири бўлган пайтда кўришганман. Алмазбек Атамбаев билан 90-чи йилларнинг ўрталарида Истанбулда кўришганман, узоқ суҳбатда бўлганмиз. У Ислом Каримнинг қаттиқ-қўллигини улуғлаб, у билан учрашиш орзуси борлигини айтгани, ўша пайтлаги Қирғизистон Президенти Асқар Ақаевни русчасига “тряпка” дегани ҳам эсимда.

Шу учрашувларим туфайли бу кишиларни ҳаммаларининг табиатларини жуда яхши биламан. Фатхулла Гулен билан учрашмаганман, аммо у 21 аср имкониятларидан фойдаланса ҳам, аслида, ибтидоий ислом фанатики эканлигини қилаётган ишларидан кўриб турибман.

Шуларга асосланиб айтаманки, блогор Жемил Челикнинг Алмазбек Атамбаев ҳақида ёзган нарсаларига ишониш мумкин. Шундай қора одам, президентик курсисидан кетиш арафасида Шавкат Мирзиёга Қирғизистон ордени берганди. Бунинг сабаби - Шавкат Мирзиё ўзбеклар қирғиз фашистлари тарафидан қирғин қилинганига кўз юмиш ҳақида берган ваъдаси эканлиги ўз-ўзидан кўриниб турибди.

Бу факт Шавкат Мирзиёнинг биографисида қоладиган яна битта катта қора доғдир. Ўзбеклар шу каби фактлардан келиб чиқиб, Алмазбек Атамбаевга эмас, Шавкат Мирзиёга баҳо бера олиш даражасига, минг афсуски, ҳали чиқа олмадилар. Бизнинг мақсадимиз, ўзбекларни қайтадан миллат сифатига қовуштириш ва ватан ҳамда ўз тақдири ҳақида ўйлайдиган қилишдир.

Абдураҳим Пўлат ҳақ, дейди мухбиримиз. Тан олиш керакки, ўзбекларнинг ҳозирги аҳволи қуйидаги сатрларда ифодаланган.

Қуёш чиқди, ботади ҳам албатта,
Нонушта бор, ош ейиш бор навбатда,
Бўш қолмаймиз иккисининг орасида,
Ўтирамиз кучаниб туалетнинг бошида.

Бизга бошқа нима керак?
Ўзига бек ўзбекмиз!
Юраверсин бошқалар
Бош ишлатиб ҳар ерда.