02 February 2018
20:24 - Кесакдан олов чиқди: депутатлар “Автотест” ҳақида ҳукуматга сўров юбормоқчи
Ўзбекистон президентининг матбуот хизмати бошлиғи Комил Алламжонга тегишли “Автотест” ширкатининг фаолияти борасида Ўзбекистон Республикаси Олий Мажлис Қонунчилик палатаси бир гуруҳ депутатлари Ҳукуматга сўровнома юбормоқчи. Учта фракция аъзолари бирлашиб, президент Шавкат Мирзиёнинг Парламентни уйғотиш борасидаги чақириқларига “лаббай” деб жавоб беришга қарор қилган эмишлар.

Депутатлар Вазирлар Маҳкамасининг 2017 йил 4 сентябрь куни қабул қилинган “Юридик шахсларнинг ҳайдовчилик малакасини ҳар икки йил қайта ошириш” бўйича қарорининг ижроси нега фақат “Автотест” ширкатига берилгани билан қизиқишмоқчи. Аслида депутат тугул оддий одам ҳам бу ерда яхшигина коррупция борлигини тушунади. Яъни, мамлакатдаги барча юридик шахсларга тегишли автомобиль эгаларининг малакаси яхшигина пул эвазига оширилади ва бундан ширкат миллиард-миллиард фойда кўради. Откат ҳам шунга яраша.

Олий Мажлис Қонунчилик палатаси депутати Расулбек Қушербой: ”Нега айнан “Автотест”? Нима учун 5-6 йил эмас, икки йил? Нима учун биргина МЧЖга бундай ваколат топширилмоқда?” дея ҳайқирмоқда.

Биронтаси ҳақиқий сайловлардан ўтмаган қўғирчоқ депутатларнинг бу сўровни адолат излаб юборилганига аҳмоқ ҳам ишонмайди. Юқоридан буйруқ келган, ҳайдовчилик малакасини ошириш ишларини бошқа ширкат ёки ширкактларга ўтказиш учун иш бошланган.
« Олдинги хабар Хабарлар рўйхати Кейинги хабар »