30 January 2018
22:37 - Бечора Россия: АҚШ “Кремль доклади” номли ҳужжат эълон қилди, 210 киши таъқиб остида қолади, уларнинг ичида 2 ўзбек бор
Рус ахборот воситаларининг шу соатлардаги асосий хабари АҚШнинг Молия Вазирлиги мақоми маълум бўлмаса ҳам, номи “Кремль доклади” эканлиги айтилаётган ҳужжат эълон қилгани, бу ҳужжатда Россия президентининг сиёсатини қўллаб-қувватловчилар деб ҳисобланадиган 210 нафар давлат арбоблари ва бизнесменлар борлиги, уларга қарши санкциялар киритилиши мумкинлиги айтилади.

Бу рўйхатга президент маъмурияти, ҳукумат ва парламенининг иккала палатасидаги ҳамма таниқли исмлар киритилган. Уларнинг ичида Бош вазир, парламент палаталарнинг раҳбарлари, парламент комитетларининг раҳабарлари, жуда кўп вазирлар ва депутат/сенаторлар бор.

Бизнесменлар ичида ҳамма кўзга кўринган ва президентнинг одамлари деб ҳисобланган 96 нафар бизнесман бор. Аммо, улар рўйхатга олигархлар деб киритилган Биз учун қизиқ бўлгани, уларнинг ичида Россиядаги ўзбек аслии иккала миллиардер – USM Holdings асосчиси ва асосий акционери Алишер Усмонов ва Урал тоғ-металлургия компаниясининг президенти Искандар Маҳмудов – борлигидир.

Бу ҳужжатда исмлари кўрсатилган 210 кишига қарши санкцилар киритилиши очиқча айтилмаган, аммо ҳеч шубҳасиз, бу “қора рўйхатнинг” ўзиёқ санкция бўлишидан ташқари, кейинчалик конкрет санкциялар киритиш ҳам бошланади.