Маълумки, 2017 йил 10-11 октябрь кунлари Остонда бўлиб ўтган Ислом Ҳамкорлик Ташкилотининг саммитида қабул қилинган Деклаарциянинг 7-чи моддасида “Ислом жамияти жаҳоннинг қолоқ ва қашшоқ, ал-идрокий ҳам қашшоқ “ қисми эканлиги расман тан олинган эди. Бу Декларацияни Туркия Президенти Ражаб Эрдўған ҳам имзолаган.

Ражаб Эрдўған бу қолоқлик ва қашшоқликдан тезроқ чиқиш учун қўлидан келган ҳамма нарсани қилмоқда. Масалан, ўтган йили референдум йўли билан унинг диктаторлик ваколатлари яна кучайтрилди. Ҳар куни туркиянинг қолоқлик ва қашшоқликдан чиқариш, э.., кечирасиз, Туркиянингн исломлаштириш йўлида қадамлар қилинмоқда. Метрода эркак ва аёллар учун алоҳида вагоналар ажратиш, диний никоҳдан ўтганларга ўйлангалик ҳақида давлат рўйхатидан ўтмаслик ҳуқуқи бериш маслалари муҳокама қилинмоқда, шубҳасиз, улар ижобий ҳал этилади.

Ижобий ҳал этиб бўлинган нарсалар ҳам бор. Масалан, кеча Туркиянинг “Жумҳурият” газетаси хабар қилишича, Истанбул Техник Унивеситетининг ҳовузида фақат аёллар чўмиладиган, фақат эркаклар чўмиладиган ва икки жинс вакиллари биргаликдав чўмилиши мумкин бўлган соатлар белгиланди. Ҳеч шубҳа йўқки, вақти келади, аввалига аёл ва эркаклар бирга чўмилиши мумкин бўлган соатлар йўқ қилинади, ундан кейин аёлларнинг чўмилиши бутунлай тақиқланади. Расмдаги Отатурк портрети улоқтирилади. Табиий, буларнинг ҳаммаси Ислом дунёсининг лидерлигига даъво қилаётган Ражаб Эрдўғоннинг буйруғи билан бўлмоқда ёки бўлади.

Минг афсуски, Ислом дунёсида қолоқлик ва қашшоқликни янада чуқурлаштирадиган ишлар ҳам бўлмоқда. Масалан, шу кунларда Саудия Арабистонида аёлларга стадионга кириб, футбол ўйинларини кўришга рухсат берилди. 2-3 йил аввал аёлларга тарихда биринчи марта автомобиль ҳайдаш ҳуқуқи ҳам берилганди.

Бу кетишда Ислом дунёсининг келажаги нима бўлади? Ёки, бундай нарсаларнинг қолоқлик ва қашшоқликка алоқаси йўқми?