15 December 2017
01:15 - Путинга навбатдаги шапалоқ: Европа Иттифоқи Россияга қарши санкцияларни давом эттириш қарори олди
Европа Иттифоқининг юксак сиёсий органи – ЕИга аъзо давлатларнинг раҳбарлари ва ҳукумат раисларидан иборат Европа Кенгашининг раиси Доналд Тускнинг ўз Твиттерида ёзган хабарида айтилишича, ЕИ лидерлари бир овоздан Россияга қарши киритилган иқтисодий санцияларни давом эттириш ҳақида қарор чиқардилар. Энди бу қарор техник жиҳатдан ЕИнинг Кенгаши деб аталадиган вазирлар йиғилишида тасдиқланиши керак экан. Бу йиғилиш келаётган ҳафтада бўлиши кутилмоқда.

Маълумки, Россияга қарши иқтисодий санкциялар Укераинадаги воқеалар туфайли 2014 йил ёзида қабул қилинган ва кейин кенгайтирлган эди. Санкцияларнинг муддати 2018 йил январь ойининг охирида битади. Минск Келишувлари амалга оширилмагунча ҳар ярим йилда ЕИнинг санкциялари узайтирилаверади.

Минск Келишувлари номли ҳужжат 2014 йил март ойида Минскда Россия, Франция, Германия ва Укаина лидерлари Владимир Путин, Франсуа Олланд, Ангела Меркел ва Петр Порошенко тарафидан имзоланган бўлиб, Донбасдаги муаммоларни тинч йўллар билан ҳал этиш ҳақида эди. Табиий, айнан Россия бу келишувларни бажарилиши йўлида тўсиқ бўлмоқда ва бўлишни давом эттиради. Демак, Россияга қарши санкиялар ҳам давом эттирилаверади.