Чеченистон раҳбари ва чечен миллати хоини Рамзан Қодир бугун ўзининг Инстаграмдаги саҳифасида Ўзбекистон Президент Шавкат Мирзиёнинг куёви Ойбек Турсунни пинжига олган суратни жойлаштирди. Чечен хоини сурат остига “ажойиб биродар ва укани топдим», деб ёзиб, бу уканинг ўқимишлилиги, виждонлилиги ва камтаринлиги ҳақида алоҳида тўхталиб ўтган.

"Ойбек Турсунов сингари ажойиб дўст ва инини топганим, мен учун катта бахт. У ўта ўқимишли, виждонли ва камтарин йигит. Унинг давлат даражасидаги фикрлаш кўлами, ўз Ватани - Ўзбекистон келажагига бўлган қатъий ишончи менга жуда манзур бўлди! Ойбек Турсуновдек йигитлар бор экан, Ўзбекистон Президенти Шавкат Мирзиёев ўз атрофига ўзига сафдош ва маслакдош бўлган ажойиб жамоани тўплаганини англадим. Азиз укам, менинг уйим эшиги сен учун ҳамиша очиқ! Албатта, биз Бухоро ва Самарқанддаги сингари хуштаъм паловни тайёрлай олмаймиз, аммо сен Ўзбекистонда татиб кўра олмайдиган чечен таомлари билан меҳмон қиламиз! Шунингдек, энди сенинг Чеченистонда ҳам қўрғонинг борлигини айтмоқчиман", - деб ёзган Рамзан Қодир.