15 November 2017
21:37 - Ўзбекистонликлар миллий валютада хорижга пул юборишлари мумкин
Шу йилнинг 1 декабридан фуқароларимиз банк орқали хорижга пул жўнатмаларини сўмда амалга ошириши ҳам мумкин. Бу дегани банк миллий валютамизни исталган хорижий валютага конвертация қилиб, эгасига етказади. Юртдошларимизнинг хориждаги, масалан, чет элда ўқиётган ёки даволанаётган яқинларига пул жўнатишда муаммо бўлмайди.

"1 декабрдан бошлаб ушбу хизмат жорий этилади. Натижада чет элга пул жўнатмоқчи бўлган, лекин хорижий валютаси бўлмаган фуқаролар сўмда пул жўнатишлари мумкин бўлади. Улар банкка миллий валюта билан келишади, бу ерда пул хориж валютасига конвертация қилинади ва чет элга жўнатилади", - деди Марказий Банк раисининг биринчи ўринбосари Тимур Ишмет Халқаро пресс-клубнинг бугунги мажлисида.
« Олдинги хабар Хабарлар рўйхати Кейинги хабар »