Хабаримиз сарлавҳасининг мазмуни шундай – “Ҳаракат” ОТИҲ саммити шундай руҳда ўтиб, шундай руҳда тугашини аввалдан биларди, шу сабабли, бутун дунёнинг эс-ҳуши 10-11 ноябрь кунлари Вьетнамнинг Дананг шаҳрида ўтаётган шу саммитдан бирон янгилик кутишда бўлса ҳам, биз хатто бу ҳақда ҳеч қандай хабар ҳам бермадик.

Ваҳолангки, Осиё-Тинчокеани Иқтисодий Ҳамкорлиги (ОТИҲ, иинглизча - Asia-Pacific Economic Cooperation, APEC) форуми жаҳоннинг Тинч океанига чиқадиган 21 давлатни бирлаштиради, уларнинг ичида дунёнинг гигантлари АҚШ, Россия ва Хитой бор. Хитойнинг розилиги билан унга ҳатто Тайвань ҳам олинган. Унга кирувчи мамлакатларда дунё аҳолисининг 40 фоизи яшайди, жаҳон Ялпи Ички Маҳсулотининг 54 фоизи ва жаҳон савдосининг 44 фоизи шу давлатларникидир.

Демак, ҳозир дунёда бўлаётган ўта мураккаб жараёнлар натижасида узоқдан 3-чи жаҳон урушининг шамоллари эсиб келаётгандек сезилаётган пайтда, ОТИҲ форумидан бир нарсалар кутиш тўғридек кўринарди. Лекин,... Ҳамма биладики, ўзбекларнинг “Ҳамма нарса лекиндан бошланади” деган мақоли бор. Биз ўзимизнинг шу мақолга асосландик.

Ҳа, ЛЕКИН, шуни унутмаслик керакки, ҳозир ОТИҲнинг гигантлари - АҚШ ва Россия ўртасидаги совуқ уруш СССР замонидагидан ҳам оловли бўлиш арафасига келиб бўлди. Аҳвол шундай экан ОТИҲнинг бу саммитидан бирон нарса кутиш соддалик бўларди.

Саммит кунлари бутун дунёнинг диққат-эътибори АҚШ ва Россия президентлари Доналд Трамп ва Владимир Путинда эди. Ҳаммани уларнинг қўл бериб кўришишлари, қўлларини қанчалик самимий сиққанлари, бир бирларига қанчалик илжайиб боққишлари, бу икки лидернинг шахсий учрашуви бўлиб бўлмаслиги қизиқтирарди. Бундай учрашув бўлмаслигини, ҳозирги вақтда бўлолмаслигини фақат “Ҳаракат” тушунарди.

Тўғри, Доналд Трампнинг унчалик тушуниб бўлмайдиган сабаблар билан, авваламбор, Владимир Путинга ва умуман Россияга симпатияси жуда кучли. Айнан шу симпатиясини бекитолмаган Доналд Трамп ўтган йилги президент сайловлари кампанияси давридаёқ Россия билан алоқаларни тиклаш ниятида эканлигини айтган эди. Аммо, ҳамма ўқувчиларимиз шуни ҳам билиши керакки, Доналд Трамп сайловларда ғолиб чиқишини башорат қилиб бўлган “Ҳаракат” ўша пайтдаёқ шундай таҳлил берган эди: “АҚШ кучли демократик структурага эга бўлган давлатдир. Бу ерда қонончилик, ижрочилик ва суд системалари бир биридан мустақил. Қонунчилик органи бўлган Конгрессда ҳозир Россия ва Путинга қарши кайфият жуда кучли, демак, Трамп истаса ҳам Россия билан алоқаларни ўзи истаган даражага чиқаролмайди.”

Ҳозир ҳамма кўриб турибдики, “Ҳаракат”нинг АҚШдаги сайловолди кампанияси даврида ва ҳозир ОТИҲнинг XXV саммити хусусида қилган башоратлари мутлақо тўғри чиқмоқда. Бир йиллик президентлиги давлрида дунёнинг кўзга кўринган давлатларининг лидерлари билан расмий учрашувлар ўтказиб бўлган Доналд Трамп Россия Президенти билан ҳали расмий учрашув ўтказгани йўқ. Турли саммитлар доирасида Путин билан қўл сиқишиши ёки қисқа вақтлик суҳбатлар қилиши бутунлай бошқа нарса.

Хуллас, ОТИҲнинг XXV саммитида ҳам Доналд Трамп россиялик ҳамкасби билан қўл сиқишишдан, саммит қатнашчилари расмга тушиш учун учун ёки овқат ейиш учун кетаётганларида Путин билан бир деча дақиқалик суҳбатлар қилволишдан нарига ўтолмади.

“Ҳаракат” турли воқеаларни аввалдан башорат қилабилиш қобилиятини яна бир марта исботлади. Ақли бор ўзбеклар “Бирлик” Партияси ва унинг жарчиси “Ҳаракат”сиз яшаб бўлмаслигини, уларсиз на ўзбек миллатининг, на Ўзбекистон давлатининг келажаги йўқлигини тушунишлари керак. Ўзбек профессорлари қозоқ дворникларидан кам маош олишига тоқат қилиб яшайверишни истайдиган аҳмоқларнинг сони ўзбек миллати ичида ҳозиргидек кўпчиликни ташкил қилар экан, ҳеч қандай келажагимиз ҳам бўлмайди.

“Бирлик” ва “Ҳаракат”нинг мақсади - ўзбекларни бу аҳволдан олиб чиқиш ва олиб чиқамиз.

Расмда – ОТИҲ саммити қантнашчилари. Расмни яхшироқ кўриш учун уни курсор билан босинг, ўшанда кўрасиз, бечора Путин ва Трамп яна ёнма-ён.