06 November 2017
01:35 - Ислом дини ўлим йўлида эканлигининг яна бир исботи: Саудия ўлишга бошлади, Каъба нима бўлади? Шовкат Мирзиё нима қилади?
Эрон тарафидан қўллаб-қувватланаётган Ямандаги шиалар режимининнг қуролли кучлари кеча Саудия Арабистонининг пойтахти Эр-Риядга қаратиб ракета отдилар. Ҳеч шубҳа йўқки, бу Эрон тарафидан Яманга берилган русларнинг ракетаси бўлган.

Сунний саудияликлар ҳам бўш келмасдан, шиалар отаган ракетани шубҳасиз АҚШ берган ракета билан уриб туширдилар. Шу сабабли шаҳарда катта ҳалокат бўлмади. АҚШ ракетаси русларникидан устароқ чиқди.

Бу воқеанинг аслида диққатга сазовор жойи ҳам йўқдек кўринади. Россия билан биргаликда аҳолисининг асосий қисми сунийлар бўлган Суриядаги Башар Асад раҳбарлигидаги шиалар режимини сақлаб қолганидан рағбатланган Эрон энди ишга Ямандаги шиаларни ҳам қўшиб, Яқин Шарқда ўз мавқесини мустаҳкмалаш, имкон бўлса, қўлдан келганча суннийларни шиаликка ўтказиш ҳаракатига тушганга ўхшайди. Аммо, ҳамма гап шундаки, Ислом динига кўра давлатлар исломий бўлиши, давлат Ислом қонунлари бўйича бошқарилиши керак. Аслида эса, дин сиёсатчилар қўлидаги қуролга айлантирилмоқда. Ҳамма ерда шундай бўлмоқда. Яъни Ислом дини сиёсатчилар қўлидаги оддий қуролга айланиб, ўлим йўлига кетмоқда.

Бу кетишда яқинда шиалар Каъба учун кураш бошлайдилар. Шиалар ва суннийларнинг уруши натижасида Каъба йўқ қилиниши ҳам мумкин. Шу билан Ислом дини ўлади. СССРнинг охирги йиллари коммунистик ғояси қоғозда қолганидек, Ислом ҳам қоғозда, э..., кечирасиз, Қуръондагина қолади.

Агар Ислом дини динёвийлик/секуляризм принципини қабул қилса, дин сиёсатчиларнинг қўлидаги қурол сифатини йўқотади, динимиз фақат Қуръонда эмас, мусулмонларнинг қалбида ҳам ҳаётини давом эттиради. “Бирлик” Партияси ва “Ҳаракат” Агентлиги шундай бўлишини истайдилар.

Ҳа, дарвоқе, Саудия қироллиги ўлим йўлига ўтиб бўлганининг яна бир кўрсатгичи бор. Кеча Ямандан отилган ракета Эр-Риядга етмасдан уриб туширилгандан кейин, бу мамлакатда хира пашшадек кўпайиб кетган шаҳзодаларнинг 11 нафари, 4 вазир ва бир даста бизнесменлар ҳибсга олинди. Уларнинг ичида Саудиянинг энг бой иш одами, 37 ёшли Сулаймон бин Абдул Ал Ражҳи ҳам бор. У шу пайтгача закот учун 5,7 млрд доллар пул берган ва жаҳоннинг энг катта бойлари рўйхатда 37-чи ўринда турган миллиардер экан. Қўлга олингларнинг ҳаммасини шаҳар марказиддаги люкс меҳмонхоналардан бирида ушлаб туришибди, уларнинг бойликлари давлат назорати остига олинди.

Улар гўёки порахўрлик ва коррупцияда айбланаётган эмишлар. Нима, улар жиноят ишларга қўл урганлари ҳақида Ямандан келаётган ракета хабар берибдими? Йўқ, исломий давлатда порахўрлик ва коррупция бўлмаслигига, исломий давлатни Оллоҳ қўриқлашига ишониб келган, аммо ҳамма исломий мамлакатлар каби порахўрлик ва коррупция ботқоғига ботиб бўлган Саудиянинг қироли, тўғрироғи, исломий диктатори шок ичида нима қилаётганини ҳам билмай қолди, шок ичида порахўрлик ва коррупция билан яшаётганларни ушлатишга бошлади. Қаранг, уларнинг ичида 11 нафар шаҳзода бор!!! Бу ўлим бўлмаса, ўлим нима ўзи?

Булар Ўзбекистон Президенти Шавкат Мирзиё учун ҳам яхши хабардир. Чунки, ўзи йўқ Ислом Цвилизацияси музейига нималар қўямиз деган саволлар остида унинг боши қотаётган эди, мана энди у музейнинг, энг камида, битта бўлими, яъни “Ислом, порахўрлик ва коррупция” бўлимига Саудияда бўлаётган воқеаларни ёритувчи экспонатлар қўйиши мумкин. Ўзбекистондаги порахўрлик ва коррупцияга эса кўз юмса ҳам бўлаверади.