03 November 2017
23:39 - Қозоқларга қул бўлган 16 нафар ҳамюртимиз озод қилинди

Полиция томонидан Қўстанай шаҳрида ўтказилган махсус амалиёт давомида 16 нафар ҳамюртимиз қулликдан озод этилди. Қозоқ бойларидан бири мардикорлик учун борган ўзбекларни аввалига ёллаган, сўнгра уларнинг паспортларини олиб қўйиб, қул қилган. Афсуски, қутқарилганлар орасида ёш болали аёл ҳам бор.

Юртдошларимиз Қўстанайдаги тегирмон комплексларидан биридаги ертўладан қутқариб олинган. Қозоқ бойвачча уларнинг шахсини тасдиқловчи ҳужжатларини ўз сейфида сақлаган. Қўстанай вилоят Ички ишлар департаменти бу ҳолга изоҳ беришни ҳам лозим топмаган.

Албатта, бундай ачинарли ҳолатдан сўнг ўз фуқароси қул қилинган ҳар қандай мамлакатнинг ғурури бор раҳбари жамоатчилик учун нимадир дейиши керак. Афсуски, бечора Шавкат Мирзиё ҳалигача овозини чиқармади ва отаси Ислом Карим пароканда қилган миллатни қайта одам қилиш ниятида эмаслигини кўрсатди. У тиш кўрсатса эди, Нурсултон Назарбой ҳам жавоб беришга мажбур бўларди.