31 October 2017
02:27 - Масхарабозлик: Москвада қонхўр Сталин репрессияларнинг қурбонларига мемориал очилди, бироз нарида яқинда қонхўр Ислом Каримга ҳайкал ўрнатилади
Кеча Владимир Путин ўзи билан бирга келган фуқаролик жамияти курашчилари ва ҳуқуқ ҳимоячилари билан Москва марказига яқин жойда сиёсий репрессияларнинг қурбонлари хотирасига қурилган “Қайғу Девори”ни очиш маросимида қатнашди. Сахаров Проспекти билан Садовое Кольцо чорраҳасида яратилган бу хотира мажмуаси СССРнинг Сталин режими тарафидан сиёсий сабаблар билан қатағон қилинганларнинг хотирасига бағишланади.

Путин бугун Кремлда ўзи ҳузуридаги Фуқаролик Жамиятини Ривожлантириш ва Ҳуқуқ Ҳимоячилари Кенгашининг мажлисидан кейин, Кенгаш аъзолари билан биргаликда бир автобусда “Қайғу Девори”ни очиш маросимига келибди. У Кенгаш мажлисидаёқ Сталиннинг репрессияларини қаттиқ қоралагани бугунги хабарларда айтилмоқда. У билан келган Кенгаш аъзолари ичида Совет тузумнинг Сталиндан кейин ҳам бир юмшоқроқ шаклда давом этган репрессив сиёсатининг азобларини чеккан машҳур ҳуқуқ ҳимоячиси Людмила Алексеева ҳам бор бўлган бўлса керак.

Энди қаранг, Москвада “Қайғу Девори”нинг очилиш маросими қандай масхарабозликдан иборат бўлганини. Қандай масхарабозлик дейсизми? Масхарабозлик шундан иборатки, унинг очилишида Сталин ва КГБнинг сиёсий репрессияларини анчагина юмашаган шакалда давом эттираётган Владимир Путин ва сиёсий репрессияларга тиш-тирноғи билан қарши бўлган Россиянинг ҳуқуқ ҳимоячилари иштирок этмоқдалар, аммо Путин ҳам, ҳуқуқ ҳимоячилари ҳам, биладиларки, “Қайғу Девори”дан унча узоқ бўлмаган майдонлардан бирида қонхўрликда Сталиндан ҳам ўзиш учун ҳаракат қилган Ўзбекистонимизнинг собиқ ҳаромий президенти Ислом Каримга яқинда ҳайкал ўрнатилади.

Тўғри, бу ҳайкал ўрнатиш қарорини Москванинг тегишли органлари чиқаришди, аммо ақли йўқ одам ҳам тушунадики, улар Путиннинг буйруғини бажаришди, холос. Россиянинг ҳуқуқ ҳимоячилари бу қарорга қаршилик кўрсатганлари ҳақида ҳеч қандай маълумот йўқ.

Агарда келажакда Россияда ҳокимият сталинчи-коммунистлар қўлига ўтса, “Қайғу Девори” дарҳол бузиб ташланади ва Москванинг ҳамма майдонлари Ленин, Сталин, Владимир Путин, Ислом Карим ва шу каби жаллодларинг ҳайкаллари билан тўлатилади. Россияда демократия ғалаба қозонган куни Лениннинг мумияси, Сталин ва у кабиларнинг ҳоки Кремль деворлари олдидан улоқтирилади, Ислом Карим каби ҳаромийларнинг ҳайкаллари ахлатхоналарга отилади.

Аммо, шубҳа йўқки, ҳамма ерда, Россияда ҳам, Ўзбекистонда ҳам, демокрaтия ғалаба қозонади.
« Олдинги хабар Хабарлар рўйхати Кейинги хабар »