26 October 2017
20:37 - Қозоғистон ва Ўзбекистоннинг Яллама чегара пунктида йирик автотирбандлик юзага келди
Today.kz интернет нашрига кўра, ўзбек-қозоқ чегарасидаги Ялламачегара пунктида Қозоғистон томонидани келган 155 тача автомобиль тиқилиб қолди. Тирбандлик вужудга келишига Ўзбекистонга кетаётган транспорт воситалари сонининг фавқулодда ошиб кетиши сабаб бўлган. Қозоқ расмийлари эса чегара масканида тирбандлик навбатда турган 40 автомобилда юк ташиш учун рухсатнома йўқлиги туфайли юзага келгани билан изоҳламоқдалар.

Хабарда айтилишича, жорий йилнинг тўққиз ойи мобайнида Қозоғистондан Ўзбекистонга олиб ўтилаётган юк ҳажми ўтган йилнинг шу даврига нисбатан 9 фоизга ўсган.

Шундай экан, дейди “Ҳаракат” мухбири, юк ҳажмининг унчалик сезилмайдиган ўсиши чегарадаги тирбандликка асос бўлди деб тахмин ҳам қилиб бўлмайди. Сабаб, хабарда айтилганидек, навбатда турган автомашиналарнинг ҳужжатларидаги камчилик бўлгандир.
« Олдинги хабар Хабарлар рўйхати Кейинги хабар »