26 October 2017
06:53 - ЎзА: Ўзбекистон – Туркия ҳамкорлиги янги босқичда. “Ҳаракат”: Ислом Каримсиз зора шундай бўлса, аммо ишониш қийин
Ўзбекистон Президенти Шавкат Мирзиё кеча, пешиндан кейин бўлса керак, Туркияга расмий ташрифини бошлади ва биринчи бўлиб Туркия Республикасининг биринчи Президенти Мустафо Камол Отатуркнинг қабрини зиёрат қилди.

Кейин Президент Ражаб Эрдўғаннинг саройида расмий кутиб олиш маросими бўлди, шу ернинг ўзида икки президент алоҳида, кейин делегациялар билан биргаликда музокаралар ўтказдилар. Музокаралар натижасида 30 та икки тарафлама ҳужжатлар имзоланган. Сўнгра икки президент Қўшма баёнот измоладилар. Унда нималар борлиги ЎзАнинг хабарида тилга ҳам олинмайди.

Кейин Шавкат Мирзиё ва Ражаб Эрдўған биргаликда матбуот конференцияси ўтказдилар. ЎзА бу матбуот крнференциясида нималар гапирилгани, қандай саволлар бўлганини мутлақо тилга олмайди. Туркларнинг расмий давлат ахборот воситаси бўлган Анадолу Агенлиги ўтган йили Ислом Каримнинг вафотидан кейин Самарқандга келган Ражаб Эрдўған Шавкат Мирзиё билан учрашгандан кейин икки мамлакат ўртасидаги алоқалар яхши томонга кескин ўзгарганини ва Шавкат Мирзиёнинг Туркияга келиши 20 йилдан бери биринчи марта Ўзбекистон президентининг Туркияга келиши эканлигини алоҳида урғулайди. Яъни, шу пайтгача алоқаларнинг паст даражада эканлиги, “Ҳаракат” доим айтиб келаётгандек, Турк Дунёсининг бош душмани Ислом Каримнинг иши эканлигини тан олади.

Эрдўған матбуот конференциясидаги ўз нутқида 2018 йилнинг март ойида Самарқанд-Истанбул орасида йўловчи учоқлар учишга бошланишини алоҳида айтиб ўтган.

Шавкат Мирзиёнинг сафари эртага ҳам давом этади, у Анқарадан Истанбулга келади.

Икки раҳбарнинг икки мамлакат ўртсаида алоқалар юксалиши ҳақидаги гаплари амалга ошишини биз ҳам истаймиз, дейди мухбиримиз. Аммо, Ўзбекистон тўла бозор иқтисодиётига ўтмаса, маъмурий-буйруқбозлик системаси ҳаётини давом эттираверса, алоқаларнинг самарадорлиги кескин ижобий томонга ўзгаришини кутиб бўлмайди. Аммо, Шавкат Мирзиё, минг афсуски, бунақа нарсаларни ҳатто тушунмайди.
« Олдинги хабар Хабарлар рўйхати Кейинги хабар »