23 October 2017
22:11 - Яхши хабар: Тошкентда ҳалқа темир йўли ўрнига ҳалқа метро қурилади
Cazeta.uz сайти “Ўзбекистон темир йўллари”га асосланиб хабар қилинишича, Президент Шавкат Мизиё тарафидан яқиндагина, яъни май ойида Тошкентда электрлаштирилган тезюрар ҳалқа темир йўли қуриш бўйича қарори қайтадан кўриб чиқилибди. Энди иншоотларни оммавий бузишдан қочиш ҳамда хорижий мутахассислар жалб этилган ҳолда ўтказилган ўрганишлардан сўнг эстакада типидаги ер усти метросини қуриладиган бўлибди.

Янги йўналишнинг узунлиги 52,1 километрни ташкил этади ва у мавжуд, қурилаётган ва режалаштирилаётган ер ости метрополитени линиялари билан кесишади. Ер усти метро станцияларининг тахминий сони 35 тага чиқади. Энг қизиғи, бу қурилиш 4 йилда амалга оширилармиш, уни қуришга тахминан 422,3 млн АҚШ доллари кетармиш. Бу йил тамом бўлаётганини ҳисобга олсак, бу йўл яна 3 йилда битар экан. Бунга тошкентликлар хурсанд бўлиши муқаррар.

Таклиф этилаётган ҳалқа метрополитен линияси Яшнобод, Яккасарой, Учтепа, Шайхонтоҳур, Олмазор, Юнусобод, Чилонзор ва Сергели туманлари ҳудудидан ўтади. Ҳозир эса, Сергели йўналиши ҳамда Юнусобод линияси иккинчи босқичини қуриш ишлари жадаллик билан давом этмоқда.

Аммо шундай йўлни йўлни тахминан 422,3 млн АҚШ долларига қуриб бўлишига ҳеч ким ишонмаса керак. Қолаверса, тахмианан дегандан кейин 400 ёки 500 миллион рақамини ишлатиш керак эди. Аммо, тахмин қилиш мумкинки, бундай ишга бир неча баравар кўп пул керак бўлади. Россияда ишлаётган мардикорларимиз омон бўлса, пул албатта топилади.

Янги метро участкаларидан бири Оҳангарон кўчасидан ўтган собиқ трамвай линияси бўйича олиб борилмоқда. Бу ерда бўлғуси эстакадалар учун устунлар ўрнатиш мақсадида котлованлар қазилаётганини расмда кўрмоқдасиз.