“Бирлик” Партиясининг жарчиси бўлган “Ҳаракат” Агентлиги йиллардан бери ислом терроризми ҳозир дуёнёдаги энг катта хавфга айлангани, ислом терроризмининг илдизлари Қуръоннинг хато тафсиридан келиб чиққан хато тушунчаларда эканлиги, шу сабабли, ҳақиқий демократияларда ҳам Исломга нисбатан дин эркинлиги бўлолмаслиги, ислом фанатизми билан ислом терроризми ўртасидаги фарқ сал кам йўқлиги, кун сайин исломлашиб бораётган Туркия яқин келажакда ислом терроризмининг марказига айланишини айтиб келмоқда.

“Бирлик” Партияси лидери Абдураҳим Пўлат 2015 йилнинг бошида ўша пайтдаги АҚШ Президенти Барак Обамга хат йўллаб, айнан шу фикрларни билдирган ва ислом терророзмни йўқ қилишнинг ягона йўли – Ислом динида фундаментал ислоҳотлар ўтказиш ва Ислом дини дунёвийлик/секуляризм принципини қабул қилишига эришиш эканлиги, аммо Ислом ислоҳотларга тайёр бўлмагани сабабли жаҳоннинг прогрессив қисми бундай ислоҳотларни ўтказишга унга ёрдам бериши кераклигини урғулаганди.

Шу муносабат билан билдирмоқчимизки, АҚШнинг машҳур газеталаридан бири бўлган “Вашинтон Таймс” (The Washington Times) 17 октябрда "Яқин Шарқ Форуми" (Middle East Forum) номли ташкилотнинг директори Дэниел Пайпснинг (Daniel Pipes) НАТОнинг бош муаммоси Путин эмас, Эрдўғон эканлигини асослаш мақсадида ёзилган мақоласини эълон қилибди. “НАТОни Туркиядан қутқариш” номли мақоланингг бош фикри шундай:

“СССР парчалангандан кейин Россия - НАТОга асосий хавфликдан чиқди, энди асосий хавф – исломчи ва диктатор Эрдўғандир. НАТОнинг асосий мақсади бу альянс аъзоларининг эркинлиги, умумий мерос ва цвилизацияни демократия принциплари, шахсий эркинлик ва қонун устиворлигига асосланиб ҳимоя қилишдир. Айнан шу сабабдан 1991 йилгача Варшава Шартномасига қарши курашдик, энди ҳам Россияга, ҳам исломчиликга қарши курашишимиз керак.”

У “исломчилик” деганда ислом фанатизми ва ислом терроризмини назарда тутаётгани ҳам мақолада кўриниб турибди.

Мақола муаллифи Анқара Эрон билан ҳамкорлик йўлига ўтгани, “Ҳизбуллоҳ”га қурол бераётгани, Москва ва Пекиннинг қўғирчоғи бўлган Шанхай Ҳамкорлик Ташкилотига киришни муҳокама қилаётгани, Россиядан С-400 ракета системалари сотиб олаётганига НАТО бефарқ қолаётганини ҳам танқид қилган.

Унинг хулосаси шундай: “Эрдўғаннинг диктаторлигига қарши чиқиш орқалигина НАТО замонавий цвилизацияни сақлаб қолиш учун курашдаги лидерлигини тиклаши мумкин.” Табиий, у аслида фақат Эрдўғоннинг диктатурасини эмас, ўрта асрларда ҳукмронлик қилган ислом фанатизми қайтадан оёқланаётганидан келиб чиқаётган хавфларни, демак, ислом терроризмини назарда тутмоқда. Чунки, Эрдўғоннинг қуруқ диктатураси туркларнинг бошига бало бўлса ҳам, дунёга, жумладан, НАТОга жиддий хавф сололмаслигини ҳамма ақли бор одамлар тушунадилар.

Дэниел Пайпснинг дунёдаги вазиятни анализ қилиши ва ислом терроризми замонавий дунёнинг асосий хавфига айланиб бораётгани ҳақидаги ҳозир айтаётган фикрлари “Бирлик” ва “Ҳаракат”нинг йиллардан бери айтиб келаётган фикрлари билан бир хилдир. Бу нарса “Бирлик” ва “Ҳаракат”нинг буюклигини яна бир марта исботламоқда, холос. Аммо, табиий, Дэниел Пайпс ўз мақоласида “Бирлик” ва “Ҳаракат”ни эмас, шу каби фикрларни айтиб келган НАТОнинг собиқ Бош котиби Уилли Клайес (Willy Claes) ва Испаниянинг собиқ Бош вазири Жосе Мариа Азнарни (José María Aznar) эслайди.

Аммо, мақола муаллифининг НАТОни исломчиликка, яъни ислом фанатизми ва ундан фарқи кам бўлган ислом терроризмига қарши курашга чақириши унчалик тўғри эмас. Чунки, ислом терроризмининг илдизлари Исломнинг ўзида бўлгани сабабли, ислом терроризмига қарши кураш Ислом динига қарши кураш бўлиб қолади.

Бунга йўл қилиб бўлмайди, деган фикрдан йўлга чиққан “Бирлик” ва”Ҳаракат” Ислом динида фундаментал ислоҳатлар ўтказиб, Ислом дини дунёвийлик/принципини тан олгандагина ислом терроризми йўқ бўлишини таъкидлаб келмоқдалар. Ҳеч қандай шубҳа йўқки, “Вашинтон Таймс” газетаси ва дунё жамоатчилиги “Бирлик” ва”Ҳаракат”нинг бу фикрини ҳам қабул қиладиган кун албатта келади.