10 October 2017
02:10 - “Бирлик”нинг даҳшатли митингларидан қўрқиб кетиб Ислом Карим ёптирган Тошкентдаги проспект қайта очилди. “Бирлик” буни олқишлайди!

Кеча эрталаб Тошкентда Шароф Рашидов кўчасининг Жасорат монументидан Мустақиллик майдонига олиб чиқадиган қисми транспорт ҳаракати учун қайтадан очилди. Аввал дарахт кўчатлари ўтқазилган йўлни қайта тиклаш ишлари 3 октябрь куни бошланган эди.

Ўзбекистоннинг қўғирчоқ ахборот воситалари тилга олмаётган нарса шуки, ҳозир расмий номи “Бирлик” Халқ Ҳаракати Партияси бўлган, аммо у йилларда ҳамма “Бирлик”деб таниган ташкилот аввал ўзбек тилига давлат тили мақоми бериш талаби билан, кейин мустақиллик талаби билан ҳозир “Мустақиллик майдони” деб билинган аввалги Ленин майдони ва унга келаверишдаги йўлларда даҳшатли, кўп минг кишилик митинглар ўтказарди. Ўшанда тахти қимирлаб қолган Лубянканинг агенти ҳаромий Ислом Карим ўз тахтини “Бирлик”да кучли мавқега эга бўлган ўзбек ёзувчиларининг оммавий сотқинлиги туфaйлигини сақлаб қолган.

Аммо, у “Бирлик” ҳар дақиқада тикланишидан қўрқиб, аввал “Бирлик”нинг лидери Абдураҳим Пўлатни ўлдиришга ҳаракат қилди, ўлдиролмаса ҳам уни Ўзбекистонни тарк этишга мажбур қилди ва “Бирлик”нинг митинг майдонларини йўқ қилабошлади. Айнан шу ниятда у Шароф Рашидов проспектининг баъзи қисмларини боғларга айлантириб, намойишчиларни шаҳарнинг марказий майдонига келиш йўлларини ўзича бекитганди

Ҳозир бу кўча қайтадан очилиши мақтовга сазовор нарса. “Бирлик” ўзининг ўша пайтдаги Совет Империясига қарши олиб борган тарихий кураш майдонларида қайтадан катта тантанали намойишлар ўтказиш имкониятига эга бўлади.