Авваламбор, яна бир марта эслатмоқчимизки, туркча “мисиллама” деган сўз қарши тарафнинг биронта ҳаракатига - унга яраша ёки мос равишда қасд олиш билан жавоб беришни, баъзи ҳолларда, алам олишни англатади. Ўзбеклар “мисиллама” сўзини турклардан қабул қилсалар ёмон бўлмасди.

Хабар эса қуйидагича. Бир неча кун аввал АҚШнинг Истанбулдаги консулхонасида ишлайдиган бир турк ватандоши фатхулла-гуленчилик айби билан турклар тарафидан ҳибсга олингандан кейин, ўткан куни АҚШнинг Туркиядаги элчихонаси ўзининг ҳамма консулхоналарида АҚШга бутунлай кўчиб кетиш, яъни миграцион визалардан бошқа визалар беришни номаълум вақтга тўхтатганини эълон қилди. Табиий, Туркияда турли сабаблар билан АҚШга бориб келиш учун виза олувчилар жуда кўплигини ҳисобга олсак, АҚШ элчихонасининг бу қарори турклар учун катта зарба эди.

Амма ўша куни кечасиёқ Туркия ўз мисилламасини эълон қилди, яъни Туркияга келиш истагидаги амеркаликларга виза бериш тўхтатилди. АҚШдан Туркия келиб кетиш учун виза истайдиганларнинг сони камлигини ҳисобга олиб, бу мисилламани масхарабозлик демоқдамиз.

НАТО аъзоси бўлган Туркия тўғридан тўғри НАТОга хиёнат қилиб, Россия билан оғиз бурун ўпишга тушгандан ва бунинг устига Туркия исломлашиш йўлига ўтгандан бери, Туркиянинг ҳамма НАТО аъзоллари, биринчи навбатда, АҚШ билан муносабатлари ёмонлашиб бормоқда эди. Виза воқеаси кўрсатмоқдаги, муносабатлар ёмонлашиши чуқурлашаверади. Охир-оқибатда катта ютқизиқларга учрайдиган айнан Туркия бўлади.

Эслатиб ўтамиз, АҚШ қуйидаги давлатларга аллақчон виза бермаслик қарори олган эди – Эрон, Ливия, Сурия, Яман, қисман Белорусия, Комбоджа.