25 September 2017
19:32 - Ҳукумат пахта териш учун бериладиган пул миқдорини оширди, фермер хўжаликлари мустақил эмасми?
Ўтган куни президент Шавкат Мирзиёнинг шахсан кўрсатмасидан сўнг пахта теримига оммавий сафарбар қилинган бюджет ташкилотлари ходимлари, хусусан, шифокор, ўқитувчи ва талабалар ёппасига мажбурий меҳнатдан озод қилинганди. Бунга Шавкат Мирзиёни Жаҳон Банки президенти блан учрашувда мажбур қилишган. Шу боис бу йилги ҳосилни териб олишнинг самарали усули сифатида ҳукумат терим ҳақини килограмми учун 500 сўмга чиқарди. Бу кўрсаткич аввал 400 сўм эди.

Вазирлар Маҳкамаси қарорига мувофиқ, пахта териш учун бериладиган пул миқдорини 500 сўмга чиқариш икки босқичда амалга ошрилади. Биринчи босқичда, яъни шу кундан эътиборан бу тўлов 450 сўм, 2017 йилнинг 1 октябридан бошлаб 500 сўм бўлади.

Машинада терилган хом-пахта учун тариф ставкалари бир тоннага 260 минг этиб белгиланган. Фермер хўжаликларига пахта теримчилари ўрнатилган нархлар бўйича тўловни ҳар беш кунда, шунга зарурат бўлса ҳар куни амалга ошириш тавсия этилган.

Бундай қарор билан Ўзбекистон ҳукумати мамлакатимизда ҳеч қандай бозор иқтисодиёти йўқлигини иддоа қилаётган “Бирлик” Партияси ва унинг жарчиси “Ҳаракат” Агентлигининг иддаолари тўғри эканлигини тан олди. Ўзбекистонда бозор иқтисодиёти бор бўлса эди, пахта териш учун меҳнат ҳаққини фермер хўжаликларинингўзлари тайинлган бўлардиар.

Яна, шуни таъкидлаш керак, ҳукумат минимал иш ҳаққинигина белгилашга ҳаққи бор.
« Олдинги хабар Хабарлар рўйхати Кейинги хабар »