Аввалдан маълум бўлганидек, Ўзбекистон Президенти Шавкат Мирзиё БМТ Бош Ассамблеясининг бу йилги сессиясида маҳаллий вақт билан кеча кечқурун, Тошкент вақти билан бугун ярим кечаси нутқ сўзлади. Ҳатто АҚШ Президенти бу сессияда пичоққа илинадиган бир нарса гапирмагани учун, Шавкат Мирзиёдан жиддий фикрлар кутмаса ҳам бўлаверарди. Амма, на илож, у давлатимизнинг президенти, унинг нутқига эътибор бермасликнинг биз учун иложи йўқ.

БМТнинг расмий сайтига кўра, Шавкат Мирзиё иккита масалани тилга олган.

Биринчиси - Орол денгизининг қуриб бориши атрофидаги муаммолар. Ҳамманинг жонига теккан бу мавзу бўйича Шавкат Мирзиё биронта янги фикр билдирмагани сабабли, бу ҳақда гапириб ўтиришнинг ҳам кераги йўқ. Аммо, “Ҳаракат”нинг фикрича, Ўзбекистоннинг бошига Орол денгизи қуриб бориши туфайли тушаётган муаммоларни минималлаштиришнинг ягона йўли – Ўзбекистоннинг Марказий Осиёдаги тожиклар режими тарафидан йўқ қилинган лидерлигини тиклаш ва бу минтақа мамлакатларини Орол денгизи муаммолари устида биргаликда ишлашга мажбур қилишдир.

Шавкат Мирзиё тилга олган иккинчи мавзу – ислом терроризми. Табиий, у Ғарбга тақлид қилиб, “ислом терроризми” эмас, оддий “терроризм” ҳақида гапирган. Унинг бир тийинга қиммат фикрича, мусулмонларга, биринчи навбатда, мусулмон ёшларга таълим-тарбия бериш ва уларни диний тоқатликка (толерантликка) ўргатиш керак эмиш.

Жойи келгани учун айтиш кекракки, АҚШ Президенти Барак Обама “Бирлик” Партияси лидери Абдураҳим Пўлатнинг ислом терроризми хусусидаги хатига берган жавобида мусулмонларга таълим тарибия бериш ва мусулмонларга нисбатан толерантлик кўрсатиш кераклигини гапирганди.

Абдураҳим Пўлатга кўра, ислом терроризмини тўхтатишнинг ягона йўли – Ислом динида фундаментал ислоҳотлар ўтказиш ва, биринчи навбатда, Ислом дини дунёвийлик/секуляризм принципини тан олишига эришишдир.

Нима ҳам қилардик, Ўзбекистоннинг, эй, кечирасиз, Ўзбекистон Президентининг мавжуд муаммоларни тушуниш даражаси шу.