Ҳаромий Ислом Карим яратган “Камолот” Ёшлар Ижтимоий Ҳаркатинининг номини Ўзбекистон Ёшлар Иттифоқи (ЎзЁшИ) деб ўзгартирган Ўзбекистон Президенти Шавкат Мирзиё устидан бир қатор хабарларимизда кулган эдик. Янглишганга ўхшаймиз, Шавкат Мирзиёнинг комсомоллари буюк ишлар бошлашибди.

Бу ҳақда АҚШнинг Radio Free Europe/Radio Liberty (RFE/RL – “Озод Европа Радиоси/Озодлик Радиоси”) хабар тарақатгани – бу радио устидан кулишларимиз тўғри эканлигини кўрсатади. Ўзбекистоннинг фундаментал муаммолари, Ўзбекистон демократия даражаси бўйича жаҳон давлатлари рўйхатида охиридан 2-чи ўринда эканлиги, демократик мухолифатнинг аҳволи каби ўта муҳим масалалар билан иши бўлмаган бу радио устидан кулмаслик учун аҳмоқ бўлиш керак.

Хуллас, нимамиш, ЎзЁшИнинг самарқандлик фаоллари маҳаллий ҳуқуқ-тартибот органларининг ходимлари билан биргаликда Самарқанднинг 7 та тунги кўнгил очар клубида кутилмаган рейдлар/текширувлар ўтказиб, бир қатор камчиликларни топишибди. Уларнинг асосийси – бу кўнгил очар клубларда фоҳишалик билан шуғулланаётган аёллар, уларнинг ичида ёш аёллар ҳам бор экан, ушлангани. Исми айтилмаган 20 ёшли фоҳиша шу ерда ҳар кечаси учун 5 доллар пул олиши, биттагина ўғлини боқиш учун бошқа иш тополмаганини айтибди.

Хабар оқимлари ичида бундай воқеаларни ҳам бир оғиз сўз билан айтиб ўтиш керакдир. Аммо, Ўзбекистоннинг фундаментал муаммолари билан иши ҳам бўлмаган “Озод Европа Радиоси/Озодлик Радиоси” шу воқеага эътибор бергани – бу радионинг асл башарасини кўрсатувчи мисоллардан биридир.

Расм ўша радионинг сариқ пресса деса бўладиган русча сайтларининг биттасидан олинган - centralasian.org/a/28730693.html