Анвар Олтойлининг Туркияда “ушлангани” ҳақида 22 августда хабар берар экан, ўзбек тилида ҳалигача замонавий тушунчалар тўла шаклланмагани сабабли, унинг “ҳибсга олингани” ҳақида ёзган эдик. Аслида, “ушлаш”, "ҳибсга олиш”, “қамалиш” сўзлари фарқли нарсаларни ўзида ифода этади. 22 август куни Анвар Олтойли Туркиянинг тегишли органлари тарафидан “ушланган” эди, холос.

Кеча Туркиядаги энг катта “Миллиёт” газетаси хабар қилишича, Фатхулла Гуленчиларнинг Террор Ташкилоти (ФЕТО) билан ҳамкорлик қилишда айбланиб ушланган Анвар Олтойли суднинг қарори билан ҳибсга олиниб, Синжон (Sincan) қамоқхонасига жўнатилган. Хабарда бундай ҳукмни қайси суд чиқаргани ҳам айтилмайди.

Аммо, хабарда ҳозир 73 ёшда бўлган Анвар Олтойли 1960 йилда қандайдир давлат тўнтариши уюштираётганлар билан алоқаси борликда айбланиб ҳибсга олингани, аммо 1968 йилда, СССРнинг КГБсига ўхшаган Туркиянинг МИТида (Миллий Истиҳборот Ташкилотида) ишлашга бошлагани, кейинчалик ФЕТО лидери Фатхулла Гуленга яқин бўлган кишилар билан бирга ишлагани, айнан шу сабабдан ҳибсга олингани айтилади.

“Ҳаракат” Агентлиги шу муносабат билан ҳар куни у тешикдан чиқиб, бу тешикка кириш билан машғул бўлган ўзбекларнии жиддийроқ бўлишга, жиддийликда ҳеч ким етишолмайдиган, фақат ўзбек миллати ва Ўзбекистон давлатининг тақдири билан шуғулланаётган “Бирлик” Партиясидан ўрнак олишга чақиради.

Минг афсуски, дейди “Бирлик” лидери Абдураҳим Пўлат, мен Анвар Олтойлини 1998 йилининг сўнги кунлари бир неча киши иштирокида ва 1999 йилнинг биринчи кунларида эса бошга-бош учрашувимда ўта назокатли сўзлар билан ақллироқ ишлар қилишга чақирдим. Ҳозир ўйлайманки, ўшанда шок терапияси усули билан гапирсам эди, Анвар Олтойли бугунги аҳволга тушмаган бўларди.

Энди тахмин қилиш мумкинки, Ислом Карим тарафидан “одноразовый презерватив” каби ишлатилиб, кейин отиб юборилган, ҳозир фатхулла-гуленчиларнинг пулига яшаётган Салой Мадамин (Муҳаммад Солиҳ) ҳам Анвар Олтойлининг ёнига боришининг эҳтимоллиги жуда катта.

Расм “Миллиёт” газетасининг сайтидан олинган.