17 August 2017
19:25 - Белорусда Иккинчи Жаҳон Уруши иштирокчилари бўлган ўзбекларнинг жасадлари топилди
Ўзбек хуфяларига тегишли экани айтиладиган Спутник нашри Иккинчи жаҳон уруши йиллари бедарак йўқолган ўзбекистонлик аскарларнинг қариндошларини қидирмоқда. Сайтга кўра, Белорусь Республикаси Могилев вилоятининг "ВИККРУ" тарихий-ватанпарварлар гуруҳи аъзолари Чаусс туманининг Самулки қишлоғида 46 нафар қизил армия аскарларининг жасадини топишган. Уларнинг барчаси 1941 йилда қурбон бўлган. Ўн икки нафар аскарнинг ҳар бирини ёнида тўлиқ маълумот ёзилган "ўлим медальонлари" ҳам топилган.

"ВИККРУ" клуби хабарига кўра, ушбу медальонларнинг учтаси Ўзбекистонлик аскарлар Эргаш Парпиев, Юрий Бобров ва Виктор Калугинга тегишли экан. Ўтган 76 йил давомида ушбу аскарлар бедарак йўқолганлар рўйхатида бўлгани ҳам аниқланибди.
« Олдинги хабар Хабарлар рўйхати Кейинги хабар »