Хабарчилик иккинчи нонга айланган асрда бўлаётган ишларга қаранг. Кеча қозоқларнинг Казинформ агентлиги 64 та хабар тарқатди. Хабарларда Ҳасан Роуҳоний қасамёд маросимидан кейин иккинчи муддатга расман Эрон Президенти бўлгани ва 2019 йилда Озорбайжонда Ялпи Ички Маҳсулотнинг ортиши 4 фоизга чиқишини айтишдан тортиб, Қарағанда вилотидаги бир қишлоқ кенгаши ҳокими Саят Шумубаев хизмат автомили билан бошқа бир автомобилни бироз пачоқлаб, кейин қочиб кетгани сабабли бир йилга автомобиль ҳайдаш ҳуқуқидан маҳрум қилинганича айтилган.

Ўзбекистонда ЎзА ва Gazeta.uz тарқатган 8 та хабарнинг ичида, хабардан айтилмаган жиҳати билан эътиборга лойиқ биттагина хабарни тилга олиш мумкин.

Бу хабарда айтилишича, 3 август куни Иссиқкўл вилоятида ичида 11 киши бўлган ўзбекистонлик микроавтобус бошқа енгил автобус билан тўқнашибди, ярадор бўлган 6 нафар ватандошимиз, улар болалар рақс жамоаси аъзолари экан, Ўзбекистон Мудофаа вазирлигининг ҳарбий-транспорт самолётида Ўзбекистонга олиб келиниб, Балиқчи шаҳридаги касалхонага ётқизилибди. Оғирроқ жароҳатланган Игор Орлов 3 август куниёқ Қирғизистонда амалиёт қилинибди.

Қаранг, дейди мухбиримиз, 2010 йили Қирғизистон ва Ўзбекистон ҳукуматлари кўз юмиб турганда, бир ҳовуч қирғиз фашистлари тарафидан 300 ўзбекнинг ваҳшийларча ўлдирилгани ҳақидаги Халқаро Мустақил Комиссия тайёрлаган ҳисобот Қирғизистон томонидан ҳалигача тан олинмай келинаётган бир пайтда, Ўзбекистон ҳукумати у ерга ўз болаларимизни жўнатишга рухсат берибди. Бу жиноят-ку!!

“Ҳаракат” Агентлиги Президент Шавкат Мирзиёдан Ўзбекистонда хабарчиликни масхарабозликка айлантираётганларни ва фашизм касаллигидан ҳали тузалмаган, бу касаликни тезроқ тузатиш ҳамда Қирғизистонда ўзбекларга нисбатан душманлик сиёсатини тўхтатиш талаби билан Тошкентдаги Қирғизистон элчихонаси олдида тинч митинг уюштирган дунёда машҳур ҳуқуқ ҳимоячиси Васила Иноятни ўз ҳудудларига киритмаётган Қирғизистонга ёш болаларимизни жўнатиб жиноят қилган ҳукумат расмийларини топишни ва уларни жазога торттиришни талаб қилади.

Расмда – 2011 йил 10 июнда Тошкентдаги Қирғизистон элчихонаси олдида ўтказилган “Ўзбекларга қарши геноцид тўхтатилсин” пикети. У ерда ўнгдан иккинчи Васила Иноят. Расмни яхшироқ кўриш учун уни курсор билан босинг. Асосий шиорни кўтариб турган отахон – Ўзбек миллатининг ҳақиқий қаҳрамонларидан бир – Қаҳрамон Ғофуров.