Reuters Агентлиги кеча кечқурун АҚШ Конгрессининг юқори палатаси, яъни 100 кишилик Сенат 98 га қарши 2 овоз билан Россия, Эрон ва Шимолий Кореяга қарши янги санкциялар киритиш бўйича қонун лойиҳасини маъқуллагани ҳақида “Сенат Трампни бурчакка тиқиб, Россияга санкциялар билан шапалоқ урди” номли хабар тарқатди. Икки кун аввал шу қонун лойиҳаси Конгресснинг қуйи палатаси, яъни Вакиллар Уйида маъқулланганда, шу агентлик “Вакиллар Уйи Трампга тош отиб, Россияга қарши янги санкцияларни маъқуллади” номли хабар берган эди.

Конгресснинг иккала палатасида ҳам бу қонун лойиҳаи камдан-кам бўладиган мутлақо кўпчлик овоз билан маъқулланди. Энди қонун Президент Доналд Трамп тарафидан имзоланиши керак. Аввал ҳам айтганимиздек, Президент қонунга вето қўйиб, уни имзоламаслик ҳаққига эга. Аммо, қонун икккинчи марта Вакиллар Уйи ва Сенат тарафидан маъқулланса, Трамп уни имзолашга мажбур бўлади.

Ҳа, бу қонун ростдан ҳам Россияга 2014 йилда Украинадаги воқеалар туфайли урилган навбатдаги шапалоқ эмас, мушт билан урушдан ҳам баттар ҳужум. Бу ҳужум Россия ўша сайловларнинг натижалариг Трампнинг фойдасига бўлишига ўз ҳиссасини қўшгани ҳақидаги исботсиз иддаолар жанжали соясида қабул қилингани ҳам диққатга сазовор.

Аммо, муҳим бўлгани, аввал киритилган ва янги киритилаётган санкциялар остида русларнинг иқтисоди ўзини тиклаб олиши мумкин бўлмайди, Россия охир-оқибатда СССР каби парчаланиб кетишининг эҳтимоллиги ортиб бормоқда.

Энг қизиғи, Трамп ва унинг тақими санкцияларга қарши эканликларни кўрстаувчи ҳеч қандай сигнал берганлари йўқ. Аксинча, Трамп аввалги санкцияларни давом эттириш, янги санкциялар ҳам киритиш лозимлигини ҳар доим гапириб келмоқда.

Аммо, ўтган йилги президентлик сайловларида демократларнинг номзоди Ҳиллари Клинтонни қўллаб-қувватлаган АҚШнинг энг катта оммавий ахборот воситалари, ўзлари учун кутилмаганда, бироқ, “Ҳаракат” башорат қилганидек, Доналд Трамп ғалаба қозонганидан кейин алам ичида қолдилар ва ҳали ҳам аламларидан чиқолмай Трампга тош отиш билан оворалар. Россияга қарши киритилган янги санкциялар ҳақидаги Reuters Агентлиги тарқатган хабарларнинг сарлавҳасида ҳам Трампнинг исми салбий маънода тилга олиниши ўша аламнинг кўрсатгичидир.

АҚШнинг энг кўзга кўринган сенаторларидан бир Жон МакКейн Путиннинг кўзида ҳам КГБчилик аломатлари борлигини гапириб келадиган сиёсатчидир. Бор-йўғи бир неча кун аввал докторлар унинг бошида саратон бези борлигини аниқладилар. Аммо, у кеча Сенат мажлисида қатнашди ва кейин шундай деди: “АҚШ Владимир Путин ва ҳар қандай бошқа агрессорларга бизнинг демократиямизга қарши қилинган ҳар қандай ҳужумига тоқат қилиб ўтирмаслигимиз ҳақида кучли сигнал бериши керак.”

Ҳа, навбатдаги сигнал берилди. Нима ҳам дердик - бечора Путин ва у билан дўстона ҳамкорлик қилаётган Нурсултон Назарбой ва Шавкат Мирзиё каби бечоралар!

Дарвоқе, хабарларда санкциялар Эрон ва Шимолий Кореяга ҳам қарши киритилган шунчаки тилга олиб ўтилмоқда, аммо улар билан ҳеч кимнинг иши йўқ.