21 July 2017
17:43 - Туркиянинг онамухолифат партияси Ражаб Эрдўғон ва Фатхулла Гулен қардошлар эканлигини исботловчи ҳисобот тайёрлади

Бу мамлакатда асосий мухолифат, яъни онамухолифат ташкилоти бўлган Жумҳурият Халқ Партияси (ЖҲП) 2016 йил 15-чидан 16-чи июлга ўтар кечаси уюштирилган давлат тўнтаришига уриниш воқеасини ўрганиш мақсадида Туркия Буюк Миллат Мажлиси тарафидан тузилган махсус Комиссияга ўша воқеалар бўйича ўз ҳисоботини берди. Бу ҳақда “Жумҳуритя” газетаси кеча хабар тарқатди.

Тахминан 70 саҳифалик бу ҳисоботда Президент Ражаб Эрдўғоннинг Адолат ва Тараққиёт Партияси (АТП) фатхулла-гуленчилар билан азалдан қадош бўлгани, уларнинг мақсадалари бир бўлганини кўрсатиб берувчи турли далиллар келтирилади. Бу далилларнинг асосийлари – Фатхулла Гуленнинг Ражаб Эрдўғон ва бошқа бир қатор АТПнинг юқори лавозмларида ишлаганлар билан биргаликда тушган расмлари ва Эрдўғоннинг турли нутқларида Фатуулла Гуленни мақтаб тилга олишлари экан. Расмлардан биттасигина “Жумҳурият” газетасининг хабарида берилган.

Биз ҳам эълон қилаётган расмдан кўриниб турибдики, бу расм йиллар аввал, тахмин қилиш мумкинки, Фатхулла Гулен ҳали АҚШга қочиб кетмасидан олдин олинган. Эрдўғон ва Гуленнинг биргаликдаги бошқа расмлари ҳам ўша йилларга оид бўлса керак. Аммо, Гуленнинг бошқа АТПчилар билан тушган расмлари сўнги йилларга оид эканлиги аввалги хабарларда айтилган.

Маълумки, аввал Фатхулла Гулен феълан “нурчилар оқими”нинг лидери эди. Кейинчалик бу оқимнинг номи “фатхулла-гуленчилар оқими” номини оллди, табиий, расмий лидер Фатхулла Гулен бўлди. Ўтган йилги Ражаб Эрдўғон ҳукуматини ағдариш ниятида уюштирилган давлат тўнтаришига уринишдан кейин, Ражаб Эрдўғон бу оқимни ФЕТО (“Фатхулла-гулeнчилар Террор Ташкилоти” сўзларининг туркча ёзилишидан қисқартма) деб айтишга бошлади. Ҳозир ФЕТО атамаси давлат расмийлари ва оммавий ахборот воситаларидан тарафидан ишлатилмоқда.

Аммо, 15 йилдан бери АТП қўлида бўлган давлатнинг ҳамма структураларида фатхулла-гуленчилар тўлиб ётганлиги - давлат тўнтаришига уринишдан кейин ФЕТОчи эканликда айбланиб, 50 мингдан кўпроқ киши устидан жиноий иш очилгани ва ҳибсга олингани, 140 мингдан кўпроқ одам давлат структураларидаги ишиларидан ҳайдалганидан, қама-қамашлар ва ишдан ҳайдашлар шу кунларда ҳам давом этаётганидан кўриниб турибди.

ЖҲПнинг ҳисоботини тайёрлашга бошчилик қилган Зейнел Эмре (Zeynel Emre) эрдўғончилар ва гуленчиларни таққослаб айтган ва газетада келтирилган қуйидаги сўзлари ҳам муҳим: “15 июлни улар ўз қардошликлари, жиноий ҳамкорликларини парда орқасига яшириш ва мухолифатни фалаж қилиш учун ишлатишмоқда. АТП буюк ғафлат остида. Уларнинг ўртоқлиги охир оқибатда жиноятга айланиб кетди, буни яшириш учун улар ЖХП ва унинг лидери Қиличдорўғлига ёпишмоқдалар.”