11 July 2017
22:31 - Ўзбекистонлик боксчи чемпионлик камарини қўлга киритди
Ўрисларнинг аввал РИА “Новости”, ҳозир “Россия Сегодня” деб ҳам аталадиган агентлиги хабарига кўра, WBC Silver чемпионлик камари учун ўтказилган жангда ўзбекистонлик Қудратилло Абдуқаҳҳор ғолибликни қўлга киритди. Екатеринбург шаҳрида боксчимиз россиялик боксчи Дмитрий Михайленко билан жанг ўтказди. 12 раунд давом этган жангда Абдуқаҳҳоров рақибидан устунлик қилди ва ҳакамлар бир овоздан ғалабани Ўзбекистон боксчисига беришди.

Қайд қилиш жоизки, 23 яшар боксчимиз ҳисобида 12 (шулардан 8 тасида нокаут билан) ғалаба қозонган, мағлубиятлар йўқ.
« Олдинги хабар Хабарлар рўйхати Кейинги хабар »