09 July 2017
22:33 - Путинга яна иккита шапалоқ: ЕХҲТ Қримни Украинага қайтаришни талаб қилди, АҚШ Давлат Котиби Украинага келди
Маълумки, Европа Хавфсизлик ва Ҳамкорлик Ташкилоти (ЕХҲТ) - Шимолий Америкадан АҚШ ва Канада, Европанинг барча давлатлари ҳамда собиқ СССР таркибидаги барча республикаларни, яъни ҳаммаси бўлиб 57 давлатни ўз ичига олувчи жаҳондаги энг катта минтақавий ташкилотдир.

Шу ЕХҲТнинг Парламентар Ассмблеяси 5-9 июль кунлари Минскда 26-чи ёзги сессиясини ўтказди, дейилади украинларнинг УНИАН Агентлиги тарқатган хабарда.

Бугун ЕХХТнинг Декларацияси қабул қилинган. У ерда аъзо-давлатларга, уларнинг парламентларига ва халқаро жамиятга сиёсий ва иқтисодий сиёсатларни шакллантириш ҳамда хавфсизлик, инсон ҳуқуқлари ва атроф муҳитни ҳимоя қилиш масалалари бўйича таклифлар берилган.

Булардан ташқари, Декларацияда Украина доир иккита резолюция ҳам бор. Бу резолюцияларда Россиядан ЕХҲТнинг Донбассдаги кузатувчиларини таъқиб қилиш ва қўрқитиш ҳолларини тўхтатиш, Росия назорати остида бўлган Украина ҳудудларида ЕХҲТ кузатувчиларининг эркин ишлашларига имкон бериш талаб қилинади.

Бундан ҳам муҳими, Декларацияда “Россия Федерациясидан агрессив сиёсат олиб боришни тўхтатиш ва Қрим Автоном Республикасини ноқонуний аннексия қилиш қарорини бекор қилиш талаб қилинади.”

Бу декларация 91 га қарши 15 овоз билан қабул қилинган. 3 киши бетараф қолган. Қарши бўлган 15 депутатнинг ичида ҳамма россиялик депутатлар бор. Парламент Ассамблеясининг йиғилишида 700 га яқин депутат бор эди. Кўринишидан, уларнинг мутлақо кўпчлиги, тахмин қилиш мумкинки, Марказий Осиё давлатларининг депутатлари ҳам, овоз беришда қатнашмаганлар. Аммо, улар қарши овоз бермаганлари ҳам диққатга сазовордир.

Нима бўлганда ҳам, ОБСЕнинг бу қарори Россия Президенти Владимир Путинга шапалоқ қўйиш билан баробар. Айнан бугун иккинчи шапалоқ воқеаси ҳам бўлди.

Кечагина Гамбургдаги G20 саммитида ўз президенти Доналд Трампга ҳамкорлик қилган Давлат Котиби Рекс Тиллерсон бугун Украинага келди, Украина Президенти Петр Порошенко билан учрашди ва АҚШнинг Россияга қарши киритган санкциялари давом этишини урғулади.

Дунёнинг ҳамма лидерлари билан учрашиб бўлган Доналд Трамп билан учрашишни 6 ой орзиқиб кутиб, 2 кунгина аввал у билан шахсан кўришганидан хурсандлигини яширолмаётган Россия Президенти Владимир Путин учун АҚШ Давлат Котибининг Киевдан туриб Россияга қарши санкциялар ҳақидаги сўзлари иккинчи шапалоқ эканлиги шубҳасиздир. Қолаверса, Россияга қарши Сурия ва Украина туфали киритлган санциялар давом этишини Доналд Трампнинг ўзи ҳам Путин билан учрашувнинг кетидан айтган эди. Нима ҳам дердик, эй, бечора Владимир Путин!

Расмда – Петр Порошенко Рекс Тиллерсонни Киевдаги қароргоҳи олдида кутиб олган пайт.
« Олдинги хабар Хабарлар рўйхати Кейинги хабар »