Табиий ўзбекча комсомол деб Ислом Карим яратган “Камолот” Ёшлар Ижтимоий Ҳаркатини айтмоқдамиз.

“Камолот”нинг 28 июндан бери давом этаётган қурултойида бугун нутқ сўзлаган Президент Шавкат Мирзиё бу ташкилот тугатилганини, унинг ўрнида Ўзбекистон Ёшлар Иттифоқи (ЎзЁшИ) номли давлат ташкилоти тузилганини маълум қилди. Президент янги ёшлар ташкилотига кўплаб ваколатлар тақдим этди. Жумладан, турли даражадаги ҳокимларнинг ёшлар масалалари бўйича ўринбосари лавозими жорий этишга, “Ёшлар” телеканали акцияларининг 50 фоизини янги ташкилотга ўтказишга ваъда берди.

Президент ушбу телеканални ёшлар ҳаётини ёритишда сусткашлиги учун танқид ҳам қилди. У Ўзбекистон халқ артисти Озодбек Назарбековни ўзининг медиа соҳаси бўйича вакили ҳамда телеканал раҳбари этиб тайинлади.

Дарвоқе, бу янги ташкилотнинг раҳбари этиб Қаҳрамон Қуронбоев сайланибди. Аслида, уни ҳам Шавкат Мирзиё тайинлаган, аммо расмиятчилик учунгина қурултойда сайлов номли масхарабозлик ўтказилган.

Аслида, дейди мухбиримиз, бу қурултой атрофидаги ҳамма нарса масхарабозликдан бошқа нарса эмас. Давлатники бўлган “Ёшлар” телеканали акцияларининг 50 фоизини давлатнинг қўғирчоғи бўлган ЎзЁшИга ўтказишдан тортиб, янги ташкилот тузиш қарори ёшларнинг ўзи тарафидан эмас, Шавкат Мирзиё тарафидан қабул қилинишигча, ҳаммаси масхарабозликдир.

Қаранг, ўз ташкилотларининг символи олдида ҳам нон кўтариб турган бу подасифат ёшлар билан келажагимиз борми?

Нима ҳам дердик, бечора Ўзбекистон ва ўзбеклар.