29 June 2017
23:16 - Ўзбек-тожик миршаббошилари учрашди
Сўнгги 19 йилда илк марта Ўзбекистон ва Тожикистон ички ишлар вазирлари ўзаро учрашиб, ҳамкорлик истиқболларини муҳокама қилишди. Кеча, 28 июнда Душанбеда ўтган учрашувда Ўзбекистон Ички Ишлар Вазири Абдусалом Азиз тожикистонлик ҳамкасби Рамазон Раҳимзода билан трансчегаравий уюшган жиноий гуруҳларга, террорчиликка, экстремистликка, наркотиклар ноқонуний айланмасига қарши кураш масалалари муҳокама қилишган.

News.tj нашрининг ёзишича, 20 йилдан бери Тожикистон ва Ўзбекистон куч ишлатар тузилмалари трансмиллий алоқаларга эга бўлган бирорта жиноий гуруҳга қарши қўшма амалиёт ўтказмаган.

Абдусалом Азиз Душанбега МДҲ ички ишлар вазирлари кенгашининг навбатдаги йиғилишида иштирок этиш учун боргани ва шу орада тожикистонлик ҳамкасби билан учрашиб олганидан тушуниш мумкинки, дейди мухбиримиз, икки тожик - Ислом Карим ва Имомали Раҳмоннинг шахсий келишмовчиликлар туфайли икки мамлакат ўртасига тушган совуқлик ҳали битгани йўқ.

Тожикларнинг хабарида икки вазирнинг биргаликда тушган расми ҳам йўқ, фақат Абдусалом Азизнинг расми бор.
« Олдинги хабар Хабарлар рўйхати Кейинги хабар »